«DEVERNOIS» ԽՆՈՒԹ-ՍՐԱՀՆ ԱՐԴԵՆ ԵՐԵՎԱՆՈՒՄ Է (ԼՈՒՍԱՆԿԱՐՆԵՐ)

Օրերս ներկա գտնվեցի Երևանի սրտում գտնվող DEVERNOIS ֆրանսիական կանացի հագուստի նորաբաց բրենդային խանութ-սրահի բացման հանդիսավոր արարողությանը:

DEVERNOIS Ֆրանսիական նորաձևության տունը Ֆրանսիայի նորաձևության ասպարեզի ամենահին և ավանդույթներ ունեցող ընտանիքներից մեկն է: DEVERNOIS ընկերությունը հիմնադրվել է 1927 թ-ին՝ Կլոդիուս Դեվերնուայի կողմից, և այսօր ընկերությունը ղեկավարում է ընտանիքի արդեն երրորդ սերունդը:

DEVERNOIS առևտրի ցանցը գործում է ամբողջ Արևմտյան Եվրոպայում: Ասեմ, որ գործում է մոտ 200 խանութ-սրահ: Իսկ արդեն 1995 թ-ից՝ այն մեծ հաջողությամբ ներկայանում է նաև Ռուսաստանում:

Իսկ ահա 2016 թ-ի նոյեմբերի 12-ից DEVERNOIS խանութ-սրահը Երևանում է:

Ինձ հետ զրույցում  ոճաբան Վեռա Աբազենցը կիսվեց իր վառ տպավորություններով  և ասաց, որ այս  ամենն իր համար իսկական հեքիաթ է, քանի որ ոչ մի օր չի աշխատել, այլ վայելել է խանութում տիրող ընկերական ջերմ մթնոլորտը:

«Ամեն ինչ արվել է միահամուռ ուժերով. միասին ենք ընտրել լուքերը և որոշել մնացած կազմակերպչական հարցերը:  Վստահ եմ, որ  հետագայում շատ համագործակցություններ են սպասվում և ինչու չէ բազում անակնլալներ մեր հաճախորդների համար »,- նշեց Վեռա Աբազենցը:

DEVERNOIS. էլեգանտություն՝ անկախ ժամանակից

Դե ինչ, շնորհակալ եմ հրավերի համար և կրկին շնորհավորում եմ՝ առաջարկելով դիտել լուսանկարնեը: