THE MUSE & FASHIONDRUG. «VELVET NIGHT»

Օրերս ներկա գտնվեցի THE MUSE & FASHIONDRUG-ի նոր հավաքածուների ցուցադրությանը, որը տեղի ունեցավ Opera suite Hotel-ում տեղակայված Sinatra Ռեստորանում:

Երեկոյին ներկա էին Մանեի և Անահիտի մտերիմներն ու հարազատները, ինչպես նաև հավատարիմ հաճախորդները, ովքեր միշտ THE MUSE & FASHIONDRUG-ի կողքին են:

Ինձ հետ զրույցում The muse-ի հիմնադիր-տնօրեն Մանե Խաչատրյանն ասաց, որ արդեն երկրորդ անգամ է, ինչ FASHIONDRUG-ի հետ համատեղ իրականացնում են ցուցահանդես-վաճառք.

«Այսօր ներկա են իմ մուսաները, հարազատ մարդիկ, ովքեր միշտ կողքիս են և հենց նրանց օգնությամբ առաջանում են թարմ մտքեր: FASHIONDRUG-ի հետ միասին այսօր ներկայացրել ենք տարվա մեր հիմնական աշխատանքները՝ շեշտը դնելով Ամանորի գույների և պահանջվող կտորների վրա: Այս տարի շատ ակտուալ են խորը գույները, իսկ Ամանորի գիշերը խորհուրդ եմ տալիս կրել կարմիր, կանաչ, ոսկեգույն երանգներն, այսինքն գույներ, որոնք դուր կգան աքաղաղին: Կտորներից կառանձնացնեմ թավիշը, ժանյակը, ատլասը»:

Իր հերթին, ինձ հետ զրուցեց նաև FASHIONDRUG-ի հիմանդիր Անահիտ Ղազարյանն, ով ասաց, որ իր և Մանեի համագործակցությունը շատ պրոդուկտիվ է, քանի որ FASHIONDRUG-ի աքսեսուարները լրացնում են THE MUSE-ի հագուստները՝ դրանք դարձնելով ավելի նորաձև ու հետաքրքիր:

«Շատ պատահական այս օրը համնկավ Սուրբ ծննդյան տոնի հետ, ինչի համար շատ ուրախ եմ, չնայած որ Մանեի հետ օրը պատահաբար ենք ընտրել: «Թավշյա գիշեր» խորագիրը ընտրելով նկատի ենք ունեցել այն, որ այս տարի շատ ակտուալ է թավիշը և հետաքրքիր է, որ մեր հյուրերը ևս ներկայացել են թավշյա հագուստներով, ինչը մեզ ավելի է ոգևորել: Քանի որ կրակագույն աքլորի տարին է մոտենում, խորհուրդ կտամ օգտագործել շատ փայլեր նույնիսկ այն մարդկանց, ովքեր ամբողջ կյանքի ընթացքում խուսափել են փայլերից, քանի որ այն շատ ակտուալ է: Հիմնականում շեշտը պետք է դնել ոսկեգույնի և արծաթագույնի վրա, օգտագործել վառ երանգներ՝ ստեղծելով փետուրային տրամադրություն: Այս տարի միակ կանոնն այն է, որ կանոններ չկան, կարևորը, որ հագուստը լինի հարմարավետ»: