MALKHAS JAZZ CLUB – ՈՒՄ ՏԵՂԻ ՈՒՆԵՑԱՎ ՆՈՆԱ ՀԱՄԲԱՐՅԱՆԻ «DON’T LOSE YOUR FAITH » ՏԵՍԱՀՈԼՈՎԱԿԻ ՇՆՈՐՀԱՆԴԵՍԸ

Օրերս Malkhas Jazz Club-ում տեղի ունեցավ տաղանդավոր երգչուհի Նոնա Համբարյանի Don’t Lose Your Faith հեղինակային երգի և տեսահոլովակի պրեմիերան:

Նոնային շնորհավորելու էին եկել նրա ընկերները, հարազատները և այն մարդիկ, ովքեր մասնակցություն են ունեցել այս գեցեցիկ տեսահոլովակի ստեղծմանը:

Don’t Lose Your Faith երգի Mastering-ն իրականացվել է Շվեդիայում՝ հայտնի Monster Lab Audio կազմակերպության կողմից, մասնավորապես՝ Mastering Engineer Eric Broyhill-ի կողմից, ով աշխատում է բազմաթիվ աշխարհահռչակ աստղերի հետ:

Ի դեպ, օրեր առաջ Don’t Lose Your Faith տեսահոլովակի շնորհանդեսը իրականացվել է համաշխարհային շոու-բիզնեսում բարձր վարկանիշ ունեցող ՎԵՎՈ վիդեոկայքի միջոցով:

Այս առիթով, խոսեցի հենց երգչուհու հետ՝ փորձելով պարզել, թե ե՞րբ է սկսել իր ստեղծագործական ճանապարհը.

«Դեռ մանկուց սիրել եմ երաշժտությունը և համարել եմ, որ այն ինձ համար երազանք է, որը պետք է իրականություն դառնա: Հավատարիմ մնալով մանկությանս երազանքին՝ 2012 թվականին ընդունվեցի Երևանի Կոմիտասի անվան պետական կոնսերվատորիայի Ջազ-Վոկալ բաժինը և այսօր արդեն սովորում եմ որպես մագիստրոս: Բացի երգելուց, ինձ հոգեհարազատ է նաև ստեղծագործելը։ Մոտ ապագայում ձեր ուշադրությանը կներկայացնեմ նոր հեղինակային ստեղծագործություններիցս։ Բացի այդ, ժամանակ առ ժամանակ հանդես եմ եկել band-ով և ներկայացրել եմ հայտնի երգերի cover տարբերակներ », – ասաց երգչուհին:

Խոսելով տեսահոլովակի մասին՝ երգչուհին ասաց, որ այն նկարահանվել է Մոսկվայում՝ FD Prodaction-ի կողմից:

«Հորեղբորս՝ Ռուբեն Շահբազյանցի աջակցությամբ նկարահանեցինք այս գեղեցիկ տեսահոլովակը, ինչի համար շատ շնորհակալ եմ: Հատուկ շնորհակալություն եմ ուզում հայտնել եղբորոս՝ Գարիկ Համբարյանին, ով նաև իմ պրոդյուսերն է: Տեսահոլովակի ստեղծման ամբողջ գործընթացը նա է կառավարել և կազմակերպել, ինչպես նաև անձամբ մասնակցել է ձայնագրման աշխատանքներին՝ որպես Կիթառահար: Երգի յուրահատուկ գործիքավորումն արել է George Brainshaker-ը, ինչի համար ևս շնորհակալ եմ: Նաև ցանկանում եմ շնորհակալություն հայտնել խոսքերի հեղինակին՝ Սյուզաննա Խանզադյանին:

Երգչուհու պրոդյուսերը՝ Գարիկ Համբարյանն, իր հերթին, խոսեց հետագա պլանների և տեսահոլովակի նախապատմության մասին:

«Վաղուց ենք նկատել Նոնայի տաղադավոր լինելը, այդ իսկ պատճառով որոշեցի օգնել քույրիկիս, որպեսզի նա ունենա գեղեցիկ տեսահոլովակ, որն, իհարկե, շարունակական կլինի: Տեսհոլովակը տարբերվում է հենց իր հասարակ լինելով, քանի որ մենք շեշտը դրել ենք գեղեցկության և բարձր որակի վրա։ Տեսհոլովակը մի աղջկա մասին է, ով կոչ է անում չկորցնել հավատը՝ անգամ կյանքի ամենադժվար իրավիճակներում և շարժվել առաջ։ Ուրախ եմ, որ բացի Նոնայի եղբայրը լինելուց, այսօր նաև հնարավորություն ունեմ հանդես գալ որպես իր պրոդյուսեր: Ունենք բազմաթիվ մտահաղացումներ, որոնք անպայման իրագործելու ենք», – եզրափակեց երգչուհու պրոդյուսերը: