Նրա մասին չխոսել ու այս էջում չանդրադառնալն ուղղակի անհնար է: 4 տարեկան այս փոքրիկ գեղեցկուհին շատերի կողմից է սիրված: Նրա անունը Մարիա է. մայրիկը՝ Տաթևը, երեխայի անունը դրել է Սուրբ Մարիայի պատվին: Փոքրիկը ծնվել է 2012թ.-ի սեպտեմբերի 11-ին: Ամեն տարի մեծ խինդով է սպասում այս օրվան և հենց ինքն էլ ընտրում է իր ծննդյան թեման:
«Արդեն 2 տարի է, ինչ հաճախում է մանկապարտեզ: Բացի այդ, հաճախում է նաև նկարչության: Շատ է սիրում նկարել, երգել, արտասանել, մուլտֆիլմեր դիտել: Հաճախ միասին գնում ենք թատրոն և դիտում ենք հետաքրքիր ներկայացումներ, քանի որ սա իր ամենասիրելի զբամունքներից մեկն է: Սիրում է մրգեր ու կոնֆետներ ուտել»:
Ի դեպ, քանի որ անձամբ եմ ճանաչում փոքրիկին, պետք է փաստեմ, որ Մարիան բազմակողմանի զարգացած բալիկ է: Այս տարիքում արդեն տիրապետում է ռուսաց լեզվին, նույնիսկ ուղղումներ է անում բոլորիս ))): Մի խոսքով, նա տարբերվող ու յուրահատուկ փոքրիկ է, որն ուղղակի ուրախություն է պատճառում իրեն շրջապատող հարազատներին:
Դե ինչ, դիտեք նրա լուսանկարները և հիացեք, քանի որ նա իսկական հրեշտակի է նման: Ի դեպ, շատերը միգուցե ճանաչեն Մարիային, քանի որ փոքր հասակից նկարահանվել է հեռուստասերիալում: