EVENTS
VIDEO
OFFERS
TRAVELING
FASHION
FOOD
MAMA HOME
Երեկ Armenian brands-ում The Muse-ը ներկայացրեց իր աշուն-ձմեռ 2016-2017 հավաքածուն, որն արդեն իսկ իր ուրույն տեղն է զբաղեցնում հայկական նորաձևության մեջ:
Նորաձևության սիրահարները հավաքվել էին շնորհավորելու Մանե Խաչատրյանին, ով և բրենդի հիմնադիր-տնօրենն է:
Մանեն առաջարկը ստացել է Մարիաննայից (Mashroom), ով Armenian brands-ի ղեկավարն է և Մանեի վաղեմի ընկերուհին:
Ինձ հետ զրույցում Մանեն ասաց, որ իր հաճախորդներին համարելով մուսաներ, սրահի անունը դրել է հենց ոգեշնչվելով նրանցից:
«The Muse-ն գրեթե 2 տարի է, ինչ նորաձևության ոլորտում ծավալում է իր գործունեությունը: Քանի որ չէի ցանկանում, որ բրենդն իմ անուն ազգանունը կրեր, ոգեշնչվեցի իմ հաճախորդներով, ովքեր իմ մուսաներն են և որոշեցի բրենդը կոչել The Muse անվանմամբ»:
Այն հարցին, թե արդյո՞ք հարթակում մրցակցություն կա, թե միայն ընկերական հարաբերություններ են, Մանեն պատասխանեց, որ մրցակցության մասին խոսք լինել չի կարող, քանի որ ինքն էլ օգտվում է տարբեր սրահներից, որոնք տեղակայված են Armenian brands-ում:
Վերջում, Մանեն ասաց, որ այս տարի աշուն-ձմեռ հավաքածուի համար The Muse-ն առաջարկում է խորը գույներ, ինչպես օրինակ մարսալայի երանգները, ինչպես նաև պաստելային նուրբ կիսաերանգները, որոնք այս սեզոնին շատ ակտուալ են ու յուրահատուկ տեսք են հաղորդում հագուստներին:
Դե ինչ, ևս մեկ անգամ շնորհավորում եմ Մանեին և նորաձևության ասպարեզում մաղթում բազում հաջողություններ:
