EVENTS
VIDEO
OFFERS
TRAVELING
FASHION
FOOD
MAMA HOME
Ինչպես նորաձևության թագուհին է ասել, Նորաձևությունն անցնում է, իսկ ոճը մնում է հավետ: Այն լինելով արվեստի ճյուղ, անհատի` իրեն հատուկ գեղեցկությունն ու ոճը արտահայտելու միջոց է: Այսօր այն դարձել է ավելի քան հասանելի: Մարդիկ նորաձևությունն ընկալում են յուրովի և իրենց ինքնաարտահայտման միջոցները նորաձևության նկատմամբ՝ տարբեր են: Հայաստանում օր օրի ավելանում են նորաձևությամբ հետաքրքվողները, այս դեպքում՝ fashion blogger-ներն, ովքեր սիրով ներկայացնում են, թե այսօր կամ տվյալ սեզոնին ինչն է նորաձև, որ գույնը, կտորը և այլն:
Փորձել եմ հետևել մի քանի Fashion blogger-ների, ովքեր Հայաստանում արդեն իսկ իրենց տեղն ու դիրքն ունեն և թելադրում են նորաձևության իրենց կանոնները: Այսօր ManeHblog-ը ձեզ կներկայացնի Տոմա Աղաբաբյանին, ով միշտ հետևում է նորաձևությանը, միշտ ներկա է fashion show-ներին, ներկայացնում է հետաքրքիր fhotoshoot-եր, մի խոսքով, նրա ակտիվությունն ակնհայտ է:
«Ավարտել եմ ԵՊՄՀ-ի Դեկորատիվ և կիրառական արվեստի բաժինը, Brabion և Albion ուս. կենտրոնները: Սիրում եմ ծաղրանկարչությունը, ժամանակին նկարում էի ԵՊՄՀ-ի Մեխ թերթում, զբաղվում գրաֆիկ դիզայնով: Աշխատել եմ տարբեր տպարաններում, ոճաբան THEMAGazine ամսագրում, դասավանդել եմ դիզայն Զարդակիրառական ուսումնարանում: Էսպես ասած արվեստի մարդ եմ: Սիրում եմ գեղեցիկը»:
Տոման խոսեց նաև այն մասին, թե ի՞նչպես դարձավ fashion blogger և նշեց, թե ի՞նչով է տարբերվում իր բլոգը.
«Վաղուց եմ հետաքրքրվում նորաձևությամբ։ Կարելի է ասել 11 տարեկանից։ Հաճախում էի դիզայնի խմբակի, նկարչության։ Մասնագիտություն ստանալուց հետո՝ սկսեցի դասավանդել դիզայն։ Բլոգս նոր է՝ միտքը վաղուց։ Ինչպես նշել եմ, այն դեռ սիրողական է, զբաղվում եմ սիրելի գործով։ Տարբերվում է նրանով, որ բլոգումս ես չեմ գերակշռում։ Աշխատում եմ բացահայտել հայ սկսնակ դիզայներներին»։
Տոմայի համար նորաձևությունը արվեստ է, որին պետք է տիրապետել.
«Կինը պետք է հետևի նորաձևությանը, բայց գերի չդառնա։ Նորաձև չի նշանակում կրել այն, ինչ կրում է մեծամասնությունը։ Հավատարիմ եմ իմ ոճին։ Կրում եմ այն, ինչը թույլ է տալիս կազմվածքս, այն, ինչը կանացի է»:,- ասաց Տոման՝ ավելացնելով, որ եղանակն ու տրամադրությունն են թելադրում, թե ինչ է հագնելու այսօր:
Վերջում, խորհուրդ է տալիս, թե ի՞նչն է այս սեզոնին ավելի ակտուալ և ի՞նչ պետք է հագնել՝ յուրահատուկ կերպար ստանալու համար.
«Այս և գալիք սեզոնի միտումները շատ են դուրս գալիս: Օրինակ վիլյուրը, կտեսնեք թե՛ հագուստում և թե՛ աքսեսուարներում: Գիշերազգեստը որպես հագուստ, միձի կիսաշրջազգեստները, տաբատները, քյուլոթը, միլիթրի ոճը՝ հատկապես ակտուալ է վերարկուների տեսքով, կաշին: Ամենակարևորը՝ լինեն բնական և ինքնատիպ»:
Դե ինչ, կարծում եմ շատ հետաքրքիր ստացվեց իմ և Տոմայի զրույցը: Ի դեպ, շուտով Sutomkafashion.am-ը և ManeHblog-ը ձեզ կներկայացնեն նոր ու շատ հետաքրքիր fhotoshoot: Սպասեք մեզ )))