MASTER CLASS OF ALFAPARF MILANO. ԵՐԵՎԱՆ ԷՐ ԺԱՄԱՆԵԼ ՎԱՐՍԱՀԱՐԴԱՐ-ՈՃԱԲԱՆ ԱՆԶՈՐ ԶԱԿՈՒՏՈՎԸ

Շաբաթ և կիրակի օրերն իսկական տոն էին  Հայաստանյան վարսահարդարների և ոճաբանների համար, քանի որ  Երևան էր ժամանել ճանաչված ռուս վարսահարդար-ոճաբան Անզոր Զակուտովը՝ ներկայացնելու հանրահայտ իտալական ALFAPARF MILANO ապրանքանիշը: Master class-ը տեղի ունեցավ  DoubleTree by Hilton Yerevan City Centre–ում: Առաջին օրը  ոճաբանը ոչ խնամված մազից ստացավ գեղեցիկ, վարդագույն նեոնային ներկում, որը ֆոսֆորային էֆեկտ ունի: Ներկայացրեց թե ինչպես կարելի է ճիշտ գունաբացել վարսերը՝ առանց վնասելու, ինչպես նաև խոսեց ոճի, դրա առանձնահատկությունների և մի շարք այլ հարցերի մասին, որոնք հիմնականում հուզում են վարսահարդարներին:

Երկրորդ օրը ևս շատ հագեցած էր. տեղի ունեցավ սերտիֆիկատների հանձնման արարողությունը, որից հետո մոդելների և Զակուտովի օգնությամբ ունեցանք գեղեցիկ ֆոտոպատմություն:

Այսպիսի միջոցառումներ Հայաստանում հաճախ է լինում. հեղինակը Լաուրա Հովհաննիսյանն է, ով Laura.am կայքի հիմնադիրն է և տարիներ շարունակ զբաղվում է այն ամենով, ինչը վերաբերում է գեղեցկությանն ու խնամքին:

Ինձ հետ զրույցում Լաուրան ասաց, որ այս սեմինարի նպատակն էր հանրությանն էլ ավելի մանրամասն ներկայացնել ALFAPARF MILANO ապրանքանիշին:

«Մենք ներկայացնում ենք ԼԱՈՒՐԱ խանութ-սրահների ցանցը. հանդիսանում ենք մի շարք եվրոպական ընկերությունների պաշտոնական  ներկայացուցիչը Հայաստանում: 1992 թվականից խանութների ցանցը գործում է և ուրախ եմ փաստել, որ մի շարք ընկերություններ թե՛ Հայաստանում, և թե՛ Հայաստանից դուրս սիրով համագործակցում են մեզ հետ:  Տարիներ շարունակ մենք իրականացրել ենք բազմաթիվ միջոցառումներ՝ եվրոպական ապրանքանիշը մեր հանրությանը ճիշտ հասցնելու նպատակով: Այս անգամ մենք առաջին անգամ ALFAPARF MILANO-ի շարքից ներկայացրեցինք մազերի նեոնային ներկումը, որը պահպանվում է երկու ամիս և չի վնասում մազը: Արդեն 4 տարի է, ինչ համագործակցում ենք ոճաբան-վարսահարդար Անզոր Զակուտովի հետ, ով իտալական ALFAPARF MILANO-ի ռուսաստանյան ակադեմիայի լավագույն վարդսահարդարն է: Նշեմ, որ երկու օրվա ընթացքում վերապատրաստվեց 150 վարսահարդար և ստացավ սերտիֆիկատ»: Իսկ վերջում , Լաուրան ավելացրեց, որ այս տեսակ միջոցառումները կկրեն շարունակական բնույթ:

Դե ինչ, պետք է նշեմ, որ ես և իմ թիմը հաճույքով երկու օր շարունակ ոչ միայն աշխատեցինք, այլև մեծ բավականություն ստացանք:

https://www.facebook.com/OnlineShopLaura/

https://laura.am/

Հեռ.- +37410321321, +37443321321

Հասցե- Մարշալ Բաղրամյան 85/27