ՍԻՐՎԱԾ ԵՐԱԺԻՇՏ ԼԵՈՆԻԴ ԱԳՈՒՏԻՆԻ ՀԱՄԵՐԳԻՆ ՄՆԱՑԵԼ ԵՆ ՀԱՇՎԱԾ ՕՐԵՐ

Ինչպես արդեն բազմիցս նշվել է ManeHblog-ում , Սիրված ռուս երգիչ և կոմպոզիտոր, ՌԴ վաստակավոր արտիստ Լեոնիդ Ագուտինը և «Էսպերանտո» երաժշտական խումբը մարտի 26-ին ժամը 19:00-ին համերգով հանդես կգան Կ. Դեմիրճյանի անվան մարզահամերգային համալիրում, իսկ հետո համերգային ծրագիրը ժամը 22:00-ին կշարունակվի  Mezzo Classic House-Club-ում:

Երեկ, մամլո ասուլիսի ժամանակ Mezzo production-ի տնօրեն Անի Սաղոյանը, Prime production-ի տնօրեն` Սոնա Սոսյանը և Հայաստանի պետական կամերային նվագախմբի ղեկավար Նորայր Նազարյանը մանրամասնեցին, թե որքան հետաքրքիր ու անակնկալներով լի համերգ է սպասվում հանդիսատեսին:

Mezzo production-ի տնօրեն Անի Սաղոյանը նշեց, որ որոշ համերգների չեղարկման պատճառով  վերջին շրջանում խոսակցություններ են պտտվում , թե հնարավոր է Ագուտինի համերգը ևս հետաձգվի.

«Այդպիսի բան չի կարող լինել, քանի որ մենք ամեն ինչ անում ենք, որ հայ հանդիսատեսը չհիասթափվի և վայելի գեղեցիկ համերգային ծրագիր: Բոլորիդ սպասում ենք  մարտի 26-ին-ին ժամը 22:00-ին Mezzo Classic House-Club-ում»:

Իր հերթին, լրագրողի այն հարցին, թե ի՞նչու են հենց Ագուտինին հրավիրել Հայաստան և որքանով է նա այստեղ սիրված, Prime production-ի տնօրեն` Սոնա Սոսյանը նշեց, որ Голос նախագծից հետո նրա վարկանիշը բավականին բարձրացել է, բացի այդ, հայ աղջիկներն ու կանայք միշտ էլ սիրել են նրան, քանի որ Ագուտինը, բացի երգիչ լինելուց նաև երաժիշտ է, երգահան, ուստի այս ամենը հաշվի առնելով՝ նրանք այս անգամ սիրով Հայաստան են հրավիրել հենց Լեոնիդ Ագուտինին:

Դե ինչ, սպասենք համերգային ծրագրին, ի դեպ, ManeHblog-ը ևս ներկա կգտնվի և սիրով կլուսաբանի այսքան սպասված համերգային ծրագիրը: