VIOLIK QOCHARYAN-Ը ՆԵՐԿԱՅԱՑՐԵՑ ԻՐ ՆՈՐ ՀԱՎԱՔԱԾՈՒՆ

Վիոլիկ Քոչարյանին նորաձևությունը հետաքրքրել է փոքր հասակից. մայրիկին միշտ խնդրել է  տիկինիկներ գնել, որոնց համար  հագուստ է կարել: Այսօր  նա արդեն ունի իր սեփական հավաքածուն, որը տեղակայված է Tashir 4 armenian brands հարթակում:

Օրերս, նա ներկայացրեց իր նոր  հավաքածուն, որին ներկա էր նաև ManeHblog-ը: Ինձ հետ զրույցում Վիոլիկը պատմեց իր անցած ճանապարհի մասին.

«Սկզբնական շրջանում ինձ շատ օգնել է տատիկս. միասին ասեղնագործում էինք և նա փորձում էր իր գիտելիքները փոխանցել ինձ: Այնուհետև որոշեցի սովորել Faina-ի հիմնադրած դպրոցում, ավարտեցի այն և  ուսումս շարունակեցի Atex fashion studio-ում՝ գիտելիքներս ամրապնդելով կար ու ձևի մեջ: Մինչ Armenian brands հարթակում գտնվելը, 2 տարի շարունակ զբաղվել եմ online վաճառքով, քանի որ արդեն իսկ ունեի իմ սեպական հավաքածուն: Իսկ արդեն այս տարվա  Նոյեմբերի 11-ին  բացվեց իմ խանութ- սրահը, որը կոչվեց հենց իմ անունով՝ VioLik QocharYan»:

Ինչպես Վիոլիկն է նշում, սև գույնը միշտ էլ ակտուալ է, սակայն նրա հավաքածուների մեջ միշտ գերակշռում են գույները, քանի որ դրանք ստեղծում են բարձր տրամադրություն:

«Միշտ հետևում եմ նորաձևության միտումներին և աշխատում եմ այդ ամենը ներառել նաև իմ հավաքածուներում՝ պահպանելով սեփական ձեռագիրս: Հագուստների վրա պատկերված սնունդն իմ նախասիրություններն են, այսինքն այն ամենն, ինչ ես սիրում եմ ուտել: Կարծում եմ, որ տարբերվող ու հետաքրքիր միտք է ստացվել: Իսկ կտորներից հիմնականում օգտագործում եմ neoprene, քանի որ շատ հարմարավետ է»:

Երեկոյի վերջում տեղի ունեցավ խաղարկություն, որի ընթացքում,  3 հաջողակ, Վիոլիկ Քոչարյանի կողմից ստացան հետաքրքիր նվերներ:

Պետք է ասեմ, որ VioLik QocharYan-ի ձեռագիրն իրոք տարբերվող է և եթե դեռ  ծանոթ չեք նրա հավաքածուներին, ապա շտապեք Tashir 4 armenian brands հարթակ, որտեղ ձեզ սպասվում է հեքիաթային տրամադրություն:

Դե ինչ, ևս մեկ անգամ շնորհավորում եմ VioLik-ին՝ մաղթելով վառ ու ոճային մտքեր և մի շարք հաջողություններ: