ՏԵՂԻ ՈՒՆԵՑԱՎ «ՆՈՐԱՁԵՎՈՒԹՅԱՆ ՄԱՐՔԵԹԻՆԳ» ԽՈՐԱԳՐՈՎ ՍԵՄԻՆԱՐ-ԴԱՍԸՆԹԱՑ

Երեկ ներկա գտնվեցի նորաձևության մարքեթինգ խորագրով սեմինարին, որը վարում էր  «Ակադեմիքս թիմ» ընկերության հիմնադիր տնօրեն Լիլիթ Ճուղուրյանը: Այն կազմակերպվել էր ԵՊՀ շրջանավարտների և կարիերայի կենտրոնի ու «Ակադեմիքս թիմ» ընկերության համակործակցության շրջանակում:

Սեմինարի հիմնական  թեմաները շատ էին, այդ պատճառով կնշեմ մի քանիսը.

1.Նորաձևության մարքեթինգի հիմունքներ, մասնավորապես՝ բիզնես նպատակները և խնդիրներն արտադրող ընկերության, վաճառակետի և գնորդի տեսանկյունից:

2. Նորաձևության մարքեթինգի տեսության զարգացման պատմական ակնարկ:

3. Նորաձևության միջազգային քարտեզ, հումքի և կիսաֆաբրիկատների մասնագիտացված կենտրոններ և պաշտոնական ցուցահանդեսներ:

Մի խոսքով,  սեմինարի ընթացքում նորաձևության մասին  լսեցինք ու սովորեցինք մի շարք կանոններ, հիմունքներ, ինչու չէ, ձեռք բերեցինք բազմաթիվ գիտելիքներ:

Ինձ հետ զրույցում Լիլիթ Ճուղուրյանն ասաց, որ Ակադեմիքս թիմը բիզնես խորհրդատվական թրեյնինգ ընկերություն է, որը   հիմնադրվել է 2009 թվականին: Ընկերությունը թրեյնինգները մատուցում է 3 հիմնական ուղղությունով՝ մարքեթինգ, մերչենդայզինգ և բիզնեսի կառավարում։

«Պետք է նշեմ, որ այս ֆորմատով թրեյնինգ դեռ չէինք ունեցել:  Խոսքը գնում է նեղ մասնագիտական թեման մեծ թվով ուսանողներին ներկայացնելու մասին։ ԵՊՀ շրջանավարտների և կարիերայի կենտրոնի կողմից առաջարկվեց նորաձևության մարքեթինգ թեմայով սեմինար անցկացնել և  հաշվի առնելով Հայաստանում տեղական բրենդերի զարգացման բուռն ընթացքը՝  «Ակադեմիքս թիմ»-ը մեծ սիրով ընդունեց առաջարկը»:

Դե ինչ, շնորհակալություն եմ հայտնում հիմնադիր-տնօրեն Լիլիթ Ճուղուրյանին՝ հույս հայտնելով, որ դեռ կմասնակցեմ «Ակադեմիքս թիմ»-ի կողմից իրականացվող թրեյնինգներին: