NIGHT MOODS-Ի ՖԱՆՏԱԶՅՈՐՆԵՐԸ

Այսօր Հայաստանում ֆեյշն ինդուստրիան զարգացում է ապրում և կարելի է ասել, որ հայտնվել են այնպիսի անուններ, որոնք դժվար է ճանաչել և մտապահել: Night Moods. այս բրենդը որոշներին ծանոթ է, մյուսներին` հազիվ թե:

Բրենդը, կարելի է ասել, ստեղծվել է արվեստի և արհեստի միաձուլումից: Մինչ շատերը կորոնեն այս անվանումը, ես կպատմեմ բրենդի ստեղծման մասին:

 Այսօրվա Night Moods–ի սերմերը տնկվել են 80-ականներին, որի հիմնադիրը  տաղանդավոր հայ դիզայներ  (ընտանիքի հայր) Գալստյանն է, ով միաձուլելով  արվեստը և ձեռքի աշխատանքը՝ ստեղծել է ինքնատիպ, անհատականությունը ընդգծող աշխատանքներ: Հիմնական հումքը  բարձրորակ  կաշին է, բամբակը և փայտը: Եվ ինչպես յուրքանչյուր բրենդ, այնպես էլ Night Moods-ը ծիլեր տվեց և սկսեց զարգանալ: Ժամանակներն անցան և հոր ստեղծագործական ուղին շարունակեցին երկու որդին` Մհերը և Արան, ովքեր էլ մեծ ոգևորությամբ ստեղծեցին վինտաժային ոճով հիանալի ձեռագործ իրեր: Ժառանգելով իրենց հոր տաղանդը և մնալով ազնիվ արդեն դրված արհեստի ավանդույթներին, նրանք նաև ներմուծել են ժամանակակից լուծումներ:

 Night Moods-ի ձեռագործ գադջեթ, քեյզերը, պայուսակները և մնացած այլ ձեռագործ աքսեսուարները պատրաստվել են մեծ սիրով և անվերջ հոգատարությամբ: Բրենդի ստեղծողներն ամեն բան անում են սիրով և խորը հավատով, որ իրենց նորամուծություններ, միքսերը` կաշվե արհեստի հին ավանդույթները և ժամանակակից արվեստի մոտեցումները կօգնեն մեզ հպվել, զգալ և տեսնել մեկ այլ  կախարդական աշխարհ:

 Շատերը մտապահեցին և փորձեցին հասկանալ անվանման ծագումը, մինչ մյուսները դեռ  <<քնած>> են: Night Moods-ի ֆանտազյորները ստեղծում են թարմ, խենթացնող և կրեատիվ իդեաներ արվեստի համար՝ վայելելով հանգիստ և ծորուն գիշերները, երբ աշխարհը քնած է: Ոմանք կհասկանան Night Moods–ի արվեստը, ոմանք վերհիշելով հին ժամանակները կասեն, որ իրենց տատիկներն էլ ունեին այսպիսի պայուսակներ, իսկ ոմանք էլ կցանկանան նմանակել, բայց Night Moods–ն արդեն ունի իր կրեատիվ ու խենթ գնորդին:

Գայանե Թադևոսյան