11 ՀԱՐՑ- ԼՈՒՍԻՆԵ ՀՈՎՀԱՆՆԻՍՅԱՆ

11 հարցին պատասխանել է WNews.am կայքի հիմնադիր Լուսինե Հովհաննիսյանը

1. Գործողություն, որ պարտադիր անում եք առավոտյան արթնանալուց հետո:

-Առաջինը պարտադիր մեկ բաժակ ջուր եմ խմում։

2. Ոտելիք, որը միշտ կարող է լինել ձեր սառնարանում:

-Հետեւում եմ սննդակարգիս, շատ մրգեր ու բանջարեղեն եմ օգտագործում։ Խնձորն ու գազարն ինձնից անպակաս են)))

3. Գույն, որը երբեք չի բացակայում ձեր պահարանից:

-Զգեստապահարանումս բոլոր գույներն առկա են, այս սեզոն գերակշում է բաց մոխրագույնը։

4. Երաժշտական կատարում, որից ձեր ականջները դեռ չեն հոգնել:

-Երբեք չեմ հոգնի լսել Amy Winehouse-ի կատարումները։

5. Գիրք, որը ձեր կյանքում ինչ-որ բան է փոխել:

-Ընդհանրապես, բոլոր գրքերն էլ իրենց հետքը թողնում են աշխարհայացքի ձեւավորման վրա, այնուամենայնիվ կառանձնացնեմ Նիլ Դոնալդ Ուոլշի «Беседы с Богом» գիրքը։

6. Հեռուստատեսային ծրագիր, որը կստիպի ձեզ չփոխել հեռուստաալիքը:

-Հեռուստացույց շաաաատ հազվադեպ եմ դիտում, եթե այնուամենայնիվ միացնում եմ հեռուստացույցը, կանգ եմ առնում Discovery-ի վրա։

7. Առարկա կամ գործողություն, որը կարող է նյարդայնացնել ձեզ:

-Նյարդայնանում եմ դանդաղաշարժությունից, նաեւ երբ հանդիպումից ուշանում են։

8. Ինչ-որ բան, որը դուր չի գալիս ձեզ ձեր մասնագիտության մեջ:

-Ինձ երջանիկ եմ համարում, քանի որ պաշտում եմ աշխատանքս։

9. Խենթ արարք, որ երբևէ արել եք ձեր սիրուն հասնելու համար:

-Չեմ արել)))

10. Ի՞նչից եք վախենում

-Որպես ֆոբիա կնշեմ կենդանիների հանդեպ վախը. դիսկոմֆորտ եմ ապրում, երբ ինձ դիպչում են։

11. Եթե համացանցն ընդմիշտ անհետանա ձեր առօրյայից:

-Աշխատանքս կապված է հենց համացանցի հետ, ստիպված կլինեմ հրաժարվել սեփական գործից ու այլ աշխատանքի անցնել։