EVENTS
VIDEO
OFFERS
TRAVELING
FASHION
FOOD
MAMA HOME
Այսօր կխոսեմ ոճային ու շատ ինքնատիպ գեղեցկուհու մասին, ում արդեն իսկ շատերն են ճանաչում, հետևում են նրա միկրոբլոգին, հետաքրքիր լուսանկարներին, որոնք իսկապես մոտիվացնող են: Սվետլանա Իշխանյան, ով սովորում է ASUE-ում, մասնագիտությամբ բիզնեսի կազմակերպիչ է, PR marketing-ի մասնագետ: Արդեն մեկ տարի է, ինչ աշխատում է որպես դիմահարդար: Սվետլանան ինստագրամում վարում է իր միկրոբլոգը, որտեղ տեղադրում է այն ամենն, ինչ կապված է իր առօրյայի հետ:
«Միկրոբլոգի միտքն առաջացել է տարիներ առաջ: Այստեղ ես տեղադրում եմ այն ամենն , ինչ կապված է ինձ հետ՝ իմ առօրյան, այն ինչ սիրում եմ, կրւմ եմ, լսում եմ կամ այն, ինչ ուղղակի կարող է դրական լիցքեր փոխանցել իմ հետևորդներին: Մի քանի ամիս առաջ սկսեցի վարել արդեն իմ 2-րդ միկրոբլոգը՝ Beauty Blog-ը , որտեղ տեղադրում եմ իմ աշխատանքները, խորհուրդներ տալիս աղջիկներին, թե ի՞նչպես ճիշտ շպարվել և ինչ նյութեր օգտագործել»:
Սվետլանային միշտ է հետաքրքրել նորաձևությունը , վերջին թրենդները և ինքն էլ է փորձում է քայլել նորաձևությանը զուգահեռ:
«Հետևում եմ գրեթե բոլոր ցուցադրություններին, նորաձևության միտումներին և վերջին թրենդներին: Սակայն, կարծում եմ, որ չպետք է շատ տարվել և պարտադիր կերպով կրել հենց այն ամենն, ինչ համարվում է նորաձև: Յուրաքանչյուր մարդ պետք է կարողանա ընդգծել իր անհատականությունը և ինչու ոչ, հենց զգեստների և դիմահարդարման միջոցով՝ արտահայտելով բնավորությությունն ու խառնվածքը: Շատ եմ սիրում հետևել հետաքրքիր հագնվող մարդկանց: Ինքս առօրյայում նախընտրում եմ դասական կամ Casual ոճերը, իսկ հաճախ՝ երկուսը միասին»:
Սվետլանան կիսվեց նաև իր նորություններով, որի մասին կկարդաք միայն ManeHblօg-ում.
«Հիմա շատ եմ աշխատում, որպեսզի Երևանում ունենամ իմ անկյունը: Չեմ ցանկանում փակագծերը բացել, բայց, նորությունների դեպքում, առաջինը հենց դուք էլ կտեղեկանաք»:
Սվետլանան օրվա լուքն ընտրում է ելնելով տրամադրությունից, վայրից ու ժամից:
«Հաճախ ոգեշնչվում եմ եղանակից, դիմահարդարումից կամ ուղղակի ինչ-որ նոր look ստանալու մտքից: Սիրում եմ նախօրոք որոշել թե ի՞նչ պետք է հագնեմ հաջորդ օրը, որպեսզի հենց այդ տրամադրությամբ էլ արթնանամ»:
Վերջում, աղջիկներին խորհուրդ է տալիս, թե ի՞նչ կարելի է հագնել այս սեզոնին՝ ավելի յուրահատուկ կերպար ունենալու համար:
«Առհասարակ աշխատում եմ զերծ մնալ որևէ մեկին հագուստի վերաբերյալ խորհուրդներ տալուց, քանի որ ինձ չեմ համարում այդ ոլորտի մասնագետ և բացի այդ մարդկանց աշխարհայցքն էլ շատ տարբեր է: Կարծում եմ, որ լավ տրամադրությունը յուրաքանչյուր կերպար հետաքրքիր է դարձնում»:
Դե ինչ, դիտեք Սվետլանայի լուսանկարները, հետևեք նրա միկրոբլոգին և տիրապետեք դիմահարդարման այն բոլոր գաղտնիքներին, որոնք առաջարկում է այս ոճային ու ինքնատիպ աղջիկը:
