EVENTS
VIDEO
OFFERS
TRAVELING
FASHION
FOOD
MAMA HOME
Ինչպես արդեն նշել էի, փորձել եմ հետևել մի քանի Fashion blogger-ների, ովքեր Հայաստանում արդեն իսկ իրենց տեղն ու դիրքն ունեն և թելադրում են նորաձևության իրենց կանոնները: Այսօր ManeHblog-ը կանդրադառնա Նարինե Սիմոնյանին, ում չնկատելն ուղղակի անհնար է: Նրա յուրահատուկ ոճը, տարբերվող լուսանկարները, որոնց մեջ գերակշռում է սպիտակ գույնը, պարզապես հիացնում են թե ինձ, և թե կարծում եմ նրանց, ովքեր փոքր-ինչ հետաքրքրված են նորաձևությամբ:
«Ունեմ միկրոբլոգ ինստագրամում, որտեղ հիմնականում տեղադրում եմ լուսանկարներս: Կարծում եմ, որ հիմա ինստագրամն ամենահզոր պլատֆորմներից մեկն է՝ անձնական ոճի բլոգ վարելու համար: Աշխատում եմ Retail Group Armenia ընկերությունում` որպես brand manager և պետք է ասեմ, որ աշխատանքս հենց այն հիմնական շարժիչ ուժն է եղել, որն ինձ օգնել է ավելի մոտենալ նորաձևության ոլորտին և զբաղվել blogging-ով», – ինձ հետ զրույցում ասաց Նարինեն՝ ավելացնելով, որ նորաձևությունն իր համար ինքնաարտահայտման միջոց է:
«Այսպես ես փորձում եմ դրսևորել ինձ, իմ հայացքներն ու գունային զգացողությունները: Առօրյայում հիմնականում նախընտրում եմ sport chic և casual ոճերը»:
Նարինեն ունի բազում նորություններ, սակայն կիսվեց հենց մեկով, որի մասին առաջին անգամ կկարդաք հենց ManeHblog-ում:
«Գաղտնիքների մասին չէի ցանկանա խոսել ու լուսաբանել, միայն կասեմ, որ շուտով ինձ կտեսնեք նաև հեռուստաէկրանին»:
Նարինեն օրվա հագուստն ընտրում է օրվա տրամադրությունից ելնելով.
«Հագուստի ընտրության հարցում կարող եմ ոգեշնչվել ինձ շրջապատող յուրաքանչյուր առարկայից: Սկզբում ինձ համար ստեղծում եմ գույների միացություն, իսկ հաջորդ քայլն անում եմ արդեն պահարանիս մոտ»:
Վերջում բլոգգերը խորհուրդ է տալիս հայ աղջիկներին, թե ինչ կարելի է հագնել այս սեզոնին.
«Այս սեզոնը տարբերվում է նախորդներից նրանով, որ գոյություն չունի ոչ մի օրենք և սա էլ հիմնական հմայքն է: Կարող եք հագնել այն, ինչ ցանկանում եք՝ պաստել, մետալիկ, թավիշ՝ բոլորը միասին: Եղեք յուրահատուկ, գտեք ոճի ձեր բանաձևը և տարբերվեք բոլորից: Այս սեզոնը մեզ տույլ է տալիս լինել շատ համարձակ»:
Դե ինչ, ինչպես խորհուրդ է տալիս fashion blogger-ը, եղեք միշտ համարձակ և տարբերվեք: )))
