ՇՈԿՈԼԱԴԵ ՄՈՒՍ՝ ՍԻՐՈ ՕՐՎԱ ՀԱՄԱՐ

Սիրահարների օրվան՝ Սուրբ Վալենտինին  բոլորն անհամբեր են սպասում:  Սիրո խոսոտվանությանը, նվերներին ու հետաքրքիր ժամանցին զուգակցում է նաև համեղ ու անուշաբույր ուտելիքների ցանկը:

Կանանց և աղջիկներին նվերներից ու անակնկալներից ոչ պակաս անհանգստացնում է, թե օրվան համապատասխան ինչ ուտեստ կամ դեսերտ ընտրել, ի՞նչպես երեկոն դարձնել սիրելիի համար անմոռանալի:

Ներկայացնում ենք համեղ աղանդեր` շոկոլադե մուս

Անհրաժեշտ է`

200 գր. սև կամ կաթնային շոկոլադ

200մլ. կաթ

2ճ/գ դառը սուրճ

4ճ/գ սերուցքային կարագ

2 հավկիթ

Պատրաստման եղանակը

Շոկոլադը հարել բլենդերով կամ ձեռքով մանրացնել, իսկ շոկոլադի մի փոքր մասը պահել ձևավորման համար: Կաթսայի մեջ եփել կաթը` ոչ եռման աստիճանի, ավելացնել կարագը, սուրճը, ապա եփել մինչև կարագը հալչի, որից հետո ավելացնել նախապես մանրացրած կամ հարած շոկոլադը: Ապա հարել և ավելացնել հավկիթն ու դարձյալ հարել մինչև զանգվածը դառնա համասեռ զանգված:

Այն կարող եք լցնել հետաքրքիր սրտաձև տարանների մեջ և դնել սառնարանում: Մուսը պետք է սառչի 4 ժամ, որից հետո կարող եք մատուցել: