ՀԱՄԵՐԳԱՍՐԱՀԸ ԼԵՓ-ԼԵՑՈՒՆ ԷՐ, ԻՍԿ ՍԻՄՖՈՆԻԱՅԻ ԿԱՏԱՐՈՒՄՆ ԱԶԴԵՑԻԿ ՈՒ ՏՊԱՎՈՐԻՉ

Հունվարի 31-ին Հռոմի օպերային թատրոնում տեղի ունեցած համերգային ծրագիրն, իտալացի գործընկերների խոսքերով, առանձհահատուկ հետաքրքրություն և խանդավառություն է առաջացրել երաժշտասերների շրջանում: Ծրագրում հնչել է Պ.Ի. Չայկովսկու, Իգոր Ստրավինսկու և Ստեփան Ռոստոմյանի ստեղծագործությունները:

Հռոմում և Վատիկանում հայկական դեսպանատներից ստացված լուրերի համաձայն համերգասրահը լեփ-լեցուն էր, իսկ սիմֆոնիայի կատարումն ազդեցիկ և տպավորիչ: Հռոմի օպերային թատրոնից հայտնեցին<<Իրականում համերգը ունեցավ մեծ հաջողություն՝հաշվի առնելով ունկդիրների արձագանքը: Ռոստոմյանի Երրորդ սիմֆոնիան անզուգական էր: Չնայած ժամանակակից երաժշտություն լինելուն, այն խոսում է սրտի և ինտելեկտի հետ այնպես, որ անգամ երիտասարդ և ունկնդիրների ամենալայն զանգվածները կարող են զգալ ու գնահատել այն>>:

Համերգի դիրիժոր` տաղանդաշատ Ջորջ Փեհլիվանյանն իր հերթական մեծ հաջողությունը գրանցեց այս համերգով: Հայազգի երաժիշտը ղեկավարում է աշխարհի հանրահայտ նվագախմբերը և աշխատատում հեղինակավոր մենակատարների հետ: Ամերիկյան <<Լեոնարդո>> հանդեսը դեռևս 1991թ. գրել էր, որ Ռոստոմյանի ստեղծագործությունները, մասնավորապես Երրորդ Սիմֆոնիան մեծ ժողովրդականություն են վայլում Արևմուտքում:

Աշխարհի բազմաթիվ բեմերում սենսացիոն հաջողություն ունենալուց հետո, այսօր հաղթարշավը տեղափոխվեց Իտալիա: Հռոմի պատմական բեմում ստեղծագործության իտալական պրեմիերային հաջորդելու են Միլանի և Տոսկանայի նվագախմբերի կատարումները, ինչպես նաև պատվեր`գրելու նոր սիմֆոնիա մեծ նվագախմբի համար: Հռոմի օպերային թատրոնը բացվել է 1880թ. Ջիակինո Ռոսինիի Սեմիրամիդեի ներկայացմամբ:

Կառույցի շինարարությունը հովանավորել է Դոմենիկո Կոնստանցին, ով պատվիրել էր Միլանցի ճարտարպետ Ակիլ Սֆոնդրինիին կյանքի կոչել այս հոյակերտ շինությունը: Կոստանցիի անունը կրող համերգասրահի գմբեթի հոյակերտ ֆրեսկաները պատկանում են իտալացի վարպետ Աննիբալե Բրուգնոլիին:

1900թ.-ին այստեղ է տեղի ունեցել ջոակոմո Պուչինիի Տոսկայի պրեմիարան: Օպերային թատրոնի հիմնական Կոնստանցի համերգասրահում են տեղի ունեցել բազմաթիվ պատմական ներկայացումներ և ելույթներ, որոն թվում Նորման Մարիա Կալասի կատարմամբ, հռչակավոր օպերաներ` Կառլո Մարիա Գիուլինիի, Ռիկարդո Մուտիի, այլ հեղինակավոր երաժիշտների մասնակցությամբ: 1946թ. Միապետության անկումից հետո, թատրոնը վերանվանվեց թագավորականից` Հռոմի օպերային թատրոնի: Հռոմի օպերային թատրոնի ցմահ դիրիժորն է Ռիկարդո Մուտին: