ԿԲԱՑՎԻ ՆԵԼԼԻ ԳԵՎՈՐԳՅԱՆԻ «ՍԻՐՈ ԹԵՎԵՐ» ԽՈՐԱԳՐՈՎ ՑՈՒՑԱՀԱՆԴԵՍԸ

2017 թ.-ի մարտի 1-ին, ժամը` 15:00-ին Հովհաննես Շարամբեյանի անվան ժողովրդական ստեղծագործության կենտրոնում (ք. Երևան, Աբովյան 64, հեռ.` 56 93 80) կբացվի ժողովրդական վարպետ Նելլի Գևորգյանի «Սիրո թևեր» խորագրով ստեղծագործությունների ցուցահանդեսը:

Ցուցահանդեսին կներկայացվեն շուրջ չորս տասնյակ կոլաժները:

Բարի ավանդույթ է դարձել ամեն տարի այս օրը հեղինակի ստեղծագործությունների ներկայացումը: Տարիներ շարունակ գարնան առաջին օրը ԵՊՀպատմության թանգարանի արխիվի վարիչ, ժողովրդական վարպետ Նելլի Գևորգյանն արվեստասեր հասարակության դատին է հանձնում իր անհատականաշխատանքները՝ կոլաժները:

Արվեստագետի թվով 15-րդ հոբելյանական անհատական ցուցահանդեսը նվիրված կլինի  գարնանամուտին և կանանց տոնին:

Տեղեկացնենք, որ ցուցահանդեսը բաց կլինի մարտի 1-ից մինչև մարտի 12-ը:

Ցուցահանդեսի բացման օրը մուտքն ազատ է: