ԱԲՈՎՅԱՆ 35 ՀԱՍՑԵՈՒՄ ՊԱՇՏՈՆԱՊԵՍ ԲԱՑՎԵՑ ALLCell.am-Ի 4-ՐԴ ՄԱՍՆԱՃՅՈՒՂԸ

Աբովյան 35 հասցեում պաշտոնապես բացվեց ALLCell.am խանութ-սրահի 4-րդ մասնաճյուղը: Նոր բարձր դասի, շքեղ մասնաճյուղ, որը ներկայանում է հարմարավետ սրահով, հետաքրքիր, ընդարձակ, լուսավոր ինտերիերով: Մասնաճյուղ , որտեղ կարող եք գնել և վաճառել Ձեր հեռախոսը, գործում է մեծ տեսականի , ինչպես նաև, կարող եք վերանորոգել Ձեր հեռախոսը տեղում՝ հենց Ձեր աչքի առաջ։

Նշեմ, որ պաշտոնական բացումը լի էր անակնկալներով.կենդանի նվագակցությունն ապահովեց The Band- Կարինա Առուստամյանը, տեղի ունեցավ կարմիր ժապավենի կտրման արարողություն, հետաքրքիր ձևաչափով խաղարկություն, իսկ երեկոն վարում էր բոլորիս կողմից սիրելի Համլետ Առաքելյանը:

ALLCell.am-ը հիմնադրվել է 2014 թվականին։ Ստեղծման պահից ընկերությունը տարբերվել է իր տեսակով և բարձր սպասարկմամբ։ Օլ Սելը հեռախոսների վաճառքի առաջատար ընկերություններից է Հայաստանում։

Ընկերությունը ստեղծման առաջին իսկ օրից որդեգրել է <<Միասին և ընդմիշտ>> կարգախոսը, որին ամենայն պատասխանատվությամբ հետևում է առ այսօր և մշտապես իր հաճախորդի կողքին է:

Ընկերությունը առանձնահատուկ ուշադրություն է դարձնում ապրանքների որակին և բարձր սպասարկմանը ՝ բավարարելով իր բոլոր հաճախորդների պահանջները: Օլ Սել ընկերության հիմնական ուղղությունը եղել է հեռախոսների և աքսեսուարների մանրածախ առևտուրը։ Սակայն, այսօր, ընկերությունը ամենադինամիկ կերպով ՀՀ է ներմուծում ոչ միայն հեռախոս և աքսեսուարներ , այլ նաև նոութբուքեր, տպիչներ , բարձրախոսներ, էլեկտրական մի շարք խելացի սարքավորումներ։

Ընկերության ստեղծման օրվանից դինամիկ կերպով զարգանում է Օլ Սել սերվիս կենտրոնը, որտեղ կրկին ընկերությունը ներմուծում է հեռախոսների, նոութբուքերի պահեստամասեր և իրականացնում է բարձրակարգ սպասարկում , ինչպես նաև շուկայում իր ուրույն տեղն ունի մեծածախ վաճառքում։

Որպես Հայաստանում էլեկտրատեխնիկայի առաջատար ընկերություն՝ Օլ Սել ընկերության հետ ապառիկ վարկավորման ձևաչափով համագործակցում են ՀՀ առաջատար բոլոր բանկերը՝ Ամերիա,Յունի, ՎՏԲ Հայաստան, Արդշին, ԱԿԲԱ , Ինեկո , Հայէկոնոմ։ Ինչպես նաև Օլ Սել խանութ սրահի հետ համագործակցում են Tellcell, IDram, OneCard ընկերությունները։

Օլ Սելն առաջարկում է վաճառքի իրականացում allcell.am կայքի միջոցով ,ինչը հեշտացնում է հաճախորդների ընտրությունը։ Օլ Սելն ունի առաքման ծառայություն, որի միջոցով կարող ես նաև ավելորդ ժամանակ չվատնել և պատվիրել առաքում քեզ հարմար վայրում։