+37496288287

ՌՈՒՍԱԿԱՆ էՍՏՐԱԴԱՅԻ ԿԱՅՍՐՈՒՀԻ ԻՐԻՆԱ ԱԼԵԳՐՈՎԱՆ ՀԱՆԴԵՍ ԿԳԱ ԵՐԵՎԱՆՈՒՄ

IMG_3582-19-01-17-05-57

Ռուսական էստրադայի կայսրուհի, սիրված երգչուհի Իրինա Ալեգրովան մարտի 5-ին Հայաստանում հանդես կգա «Մոնո» խորագիրը կրող հոբելյանական համերգով: Միջոցառման կազմակերպիչն է «Forpostart production»-ը, որը համագործակցում է երգչուհու հետ ավելի քան 10 տարի և Հայաստանում 2010, 2012 և 2015 թվականներին հասցրել է կազմակերպել ամենապանջված արտիստի երեք համերգները, որոնք անցել են մեծ հաջողությամբ:

Ռուսական էստրադայում քչերը կարող են համեմատվել Իրինա Ալեգրովայի հետ: Իր առաջին ելույթից 25 տարի անց էլ Ալեգրովան շարունակում է հավաքել լեփ-լեցուն դահլիճներ:

Հատկանշական է, որ Իրինա Ալեգրովան ունի հայկական արմատներ: Իրինա Ալեգրովայի ստեղծագործական գործունեության վրա մեծ հետք է թողել նրա հայրը` Ալեքսանդր Սարկիսովը, ով արվեստի նկատմամբ մեծ սեր է փոխանցել իր միակ ու սիրելի դստերը: Իրինայի հայրը ժամանակին փախչել է կրկես, որտեղ էլ սկսել է գործունեություն ծավալել: Աշխուժության և ձգտման համար նրան այնտեղ կոչել են «Ալեգրիս», իսկ հետո կրկեսային այդ մականունը նա դարձրել է իր համար հնչեղ ազգանուն: Հայրը նրա համար ընդմիշտ մնացել է որպես տղամարդու անկրկնելի կերպար: Եվ նա էլ եղել Իրինայի գլխավոր սերը: Նշենք, որ կոմպոզիտոր Իգոր Կրուտոյը Իրինայի համար գրել է «Հոր ժպիտը» երգը: «Նա այն կատարում էր արցունքների միջից, հայրը ևս հուզվում էր, և, կարծում եմ, լալիս էր ամբողջ դահլիճը»,-վերհիշում է կոմպոզիտորը:

Մի քանի տարի առաջ Լոս Անջելեսի հանրահայտ «Կոդակ» թատրոնում, որտեղ տեղի է ունենում «Օսկար» մրցանակաբաշխությունը, Իրինա Ալեգրովան արժանցավ Armenian Music Awards հեղինակավոր մրցանակին՝ երաժշտական ասպարեզում ձեռք բերած նվաճումների համար՝ որպես հայազգի հանրահայտ ներկայացուցիչ: Դա Իրինա Ալեգրովայի համար մեծագույն ուրախություն և պատիվ էր: Այդ մրցանակը դրված է նրա տան ամենապատվավոր տեղում:

«Իմ առջև հսկայական դահլիճ էր, լեփ-լեցուն: Ես չէի կարողանում սկսել խոսել, որովհետև ինձ ծափահարում և ծափահարում էին: Շատ հուզիչ էր: Ես ասացի. «Որքա~ն հպարտ կլիներ իմ հայրը, եթե կարողանար տեսնել և լսել, թե ինչ է այսօր այստեղ կատարվում»: Հետո արդեն ընդհանրապես չկարողացա խոսել»,-վերհիշում է Իրինա Ալեգրովան:

Ընտանիքը երգչուհու համար մշտապես եղել և մնում է առաջին տեղում: Նրա համար օրինակ են ծառայել սիրելի ծնողները: Այդպես է նա դաստիարակել նաև դստերը և թոռանը:

Մի հետաքրքիր դրվագ ևս: Երգահան Իվան Բագրամովը Ալեգրովայի համար գրել է «Шайбу, шайбу» երգը, որը հոկեյիստները Վլադիսլավ Տրետյակի գլխավորությամբ ընդունեցին ցնծությամբ: Լեգենդար դարպասապահի օգնությամբ նկարահանվեց Ալեգրովայի և ռուսական հոկեյի աստղերի մասնակցությամբ տեսահոլովակ, որը համացանցում մեծ արձագանք ստացավ: Ի դեպ, հենց Տրետյակն էր նշում մեր հերոսուհու բնավորության կարևոր մի գիծ. «Եթե Ալեգրովան հոկեյիստ լիներ, նա անպայման հարձակվող կլիներ»: Ընդունված է համարել, որ «վախկոտները հոկեյ չեն խաղում», բայց և էստրադան էլ թույլերի տեղը չէ: Այստեղ էլ հաղթում ենք նրանք, ովքեր կարողանում են ռիսկի դիմել: Հենց Իրինա Ալեգրովայի նմանները:

«Մի վախեցեք փոխել կյանքը»,-երգում էր երգչուհի Լյուդմիլա Գուրչենկոն: Ալեգրովային այսօր շատերն են նմանեցնում լեգենդար Լյուդմիլա Մարկովնային:

Իրինա Ալեգրովան չի վախենում դժվարություններից և աշխատանքից, նա մշտապես շարժման մեջ է: Ստեղծագործական տարիների ընթացքում նա շրջել է ԱՊՀ ամբողջ տարածքով, մրսել է, ելույթ է ունեցել վատառողջ վիճակում, բայց երբեք չի գանգատվել: Տվել է հազարավոր կենդանի համերգներ լիակատար անշլագով, որոնց տոմսերը սպառվում են համերգից դեռ մի քանի ամիս առաջ: «Ես ամբողջ կյանքումս բանել եմ, ինչպես ծանրաքարշ ձի: Ինձ համար շատ կարևոր է, որ ես միշտ փող ունենամ: Ինձ համար չէ, ես ինձ վրա շատ քիչ եմ ծախսում: Ուրիշների համար: Նրանց կարող է փող պետք գալ, իսկ ես հանկարծ չունենամ»,-խոստովանել է երգչուհին:

Ալեգրովան մի երեկո զանգահարեց պոետ և երգահան Կոնստանտին Գուբինին, և անձամբ չճանաչելով նրան, հայտնեց իր երախտագիտությունը «Помолимся за родителей» երգի համար: Այդպես սկսվեց նրանց համագործակցությունը, որը վերաճեց լիակատար ստեղծագործական «Перезагрузка»-ի. այդպես անվանեցին նոր համերգային ծրագիրը, որն անցյալ տարի ուղղակի պայթեցրեց երաժշտական աշխարհը՝ բացահայտելով միանգամայն նոր Իրինա Ալեգրովային:

Այսօր Իրինա Ալեգրովան առաջվա պես շատ շրջագայում է, լի է նոր գաղափարներով և ակտիվորեն կազմում է ստեղծագործական նոր պլաններ: «Ես դեռ չեմ երգել վերջին քառատողը, ինձ սպասում են բազմակետեր»,-հնչում է նրա երգերից մեկում: Նա հիշողություններով չի ապրում, նա մշտապես առաջ է գնում: Այսպիսին է նրա համառ բնույթը: Նա մտադիր է ելույթ ունենալ, քանի դեռ հանդիսատեսը հաճախում է իր համերգներին, քանի դեռ իր կարիքը կա: Երբ նրան հարցրին, ի՞նչ կլիներ, եթե ամեն ինչ նորից սկսվեր: Պատասխանն անկեղծ էր. «Չկեղծելով, ասեմ`չգիտեմ: Ես հավատում եմ Աստծուն և նրան, որ մեզ առաջնորդում է Աստված, իսկ ճակատագիրը տալիս է մեզ այն, ինչին մենք արժանի ենք»:

Similar Articles

Most Popular

SILAS DESIGN STUDIO-Ի ՍՏԵՂԾՄԱՆ ԵՎ ՀԵՏԱԳԱ ԱՆԵԼԻՔՆԵՐԻ ՄԱՍԻՆ

Ինտերիերի դիզայնում, ինչպես ճարտարապետությունում, գոյություն ունեն շատ տարբեր ոճեր, որոնք ձևավորվել են տարբեր պատմական դարաշրջններում։  Ինտերիերի դիզայնը (ինտերիերային դիզայն) դիզայնի ճյուղ է, ուղղորդված տարածության...

DERMEN HOLDINGS-Ի ՂԵԿԱՎԱՐԸ ՀԱՆԴԻՊԵՑ ԻՆՏԵՐԻԵՐ ԴԻԶԱՅՆԵՐՆԵՐԻ ԵՎ ՈԼՈՐՏԻ ՆԵՐԿԱՅԱՑՈԻՑԻՉՆԵՐԻ ՀԵՏ

Երեկ, DERMEN HOLDINGS-Ի հիմնադիր Վահե Զեյնալյանն, ով արդեն տարիներ շարունակ է, ինչ լայն գործունեություն է ծավալում այս ոլորտում, հանդիպեց ճարտարապետների, ինտերիեր դիզայներների, ոլորտի ներկայացուցիչների...

ՀԱՆՐԱՊԵՏՈՒԹՅԱՆ 26 ՀԱՍՑԵՈՒՄ ՊԱՇՏՈՆԱՊԵՍ ԲԱՑՎԵՑ NEW LOOK BEAUT SALON-Ը 

Օրերս, Աբովյան քաղաքում՝ Հանրապետության 26  հասցեում պաշտոնապես բացվեց NEW LOOK BEAUTY  գեղեցկության սրահը: Չնայած սրահն արդեն մեկ տարի է, ինչ գործում է, բայց եվ...