+37496288287

ՉԿԱ ԱՎԵԼԻ ՄԵԾ ԵՐՋԱՆԿՈՒԹՅՈՒՆ, ԵՐԲ ԱՇԽԱՏԱՆՔԴ ԳՆԱՀԱՏՎԱԾ Է. ՄԱՆԵ ԱՂԱՋԱՆՅԱՆ

21-րդ դարում գնալով զարգացում է ապրում  դիմահարդարի մասանգիտությունը. այն պահանջված է հատկապես Հայաստանում, քանի որ մեր աղջիկները սիրում են միշտ լինել տարբերվող դիմահարդարմամբ՝ նույնիսկ ամենահասարակ օրերին:

Վերջերս,  ինձ համար բացահայտեցի դիմահարդար Մանե Աղաջանյանին. նա շատ տարբերվող ձեռագիր ունի և իրականացնում է ցանկացած հաճախորդի ցանկություն:  Դիմահարդարման թրենդների, անցած ճանապարհի և  հետագա ծրագրերի մասին խոսել եմ հենց Մանեի հետ:

-Ողջույն Մանե, կպատմե՞ք մի փոքր Ձեր մասին …

– Ողջույն… մասնագիտությամբ դիմահարդար – կոսմետոլոգ եմ և արդեն 4 տարի է, ինչ զբաղվում եմ իմ սիրելի աշխատանքով: Իմ աշխատանքի մեջ ես սիրում միշտ ստեղծել նորը. սիրում եմ տարբերվել և ներկայանալ նորովի: Ինձ համար երջանկություն է, երբ իմ կատարած աշխատանքով կարողանում եմ գոհացնել և, ինչու ոչ, վստահություն պարգևել իմ հաճախորդներին: Իհարկե, բացի դիմահարդարումից, ունեմ նաև շատ հոբբիներ. միշտ սիրել եմ երգել. հաճախել եմ դաշնամուրի դասընթացների: Սիրում եմ նաև զբաղվել սպորտով և փորձում եմ վարել առողջ ապրելակերպ: Միշտ ասել եմ և կասեմ, որ ինձ օրվա 24 ժամը բավական չէ զբաղվելու այն ամենով, ինչ սիրում եմ և ինչ կցանկանայի անել…. )))

-Ի՞նչպես որոշեցիր ընտրել դիմահարդարի ճանապարհը:

– Ինձ համար բավականին բարդ է պատասխանել այս հարցին, քանի որ երբեք չեմ պատկերացրել, որ մի օր կարող եմ ընտրել հենց այս մասնագիտությունը: Ուղղակի մի օր որոշեցի ու սկսեցի սովորել: Իհարկե, կլինեմ անկեղծ և կասեմ, որ սկզբում այդքան էլ չեմ սիրել աշխատանքս և չեմ էլ պատկերացրել, որ կարող եմ այսքան առաջ գնալ այս ոլորտում: Կարևորն այն է, որ ժամանակի ընթացքում հասկացա, որ ճիշտ ընտրություն եմ կատարել և սկսեցի լուրջ զբաղվել իմ աշխատանքով: Բոլորին թվում է, թե սա հեշտ աշխատանք է, բայց հեշտ աշխատանք չկա. պետք է շատ ուժ և համբերություն գործադրել՝ հաջողության հասնելու համար: Ոլորտը պահանջում է լինել աշխատասեր, , ձգտել միշտ տարբերվել, ունենալ վառ երևակայություն և, իհարկե, ձեռագիր, որը կլինի հենց քոնը:

– Դիմահարդարման մեջ ո՞ր ոճն է քեզ ավելի հարազատ և ի՞նչն է քեզ ավելի մոտիվացնում աշխատանքիդ մեջ:

– Առհասարակ, ես սիրում եմ բնական դիմահարդարումը և խորհուրդ եմ տալիս, որ բոլորը շպարվեն ավելի չափավոր: Ինձ համար ամենամեծ մոտիվացիան այն է, երբ տեսնում եմ հաճախորդներիս հիացած աչքերը՝ աշխատանքս կատարելուց հետո: Չկա ավելի լավ բան, քան այն, երբ  աշխատանքդ գնահատված է: Պետք է մշտապես կարողանաս արդարացնել այն մարդկանց սպասումները, ովքեր իրենց կարևոր օրվա տեսքը վստահել են հենց քեզ:

-Երբևէ մտածե՞լ ես սեփական գեղեցկության սրահ ունենալու մասին:

– Իհարկե, մտածել եմ. հույս ունեմ, որ մոտ ապագայում կունենամ իմ սեփական գեղեցկության սրահը, որն անպայման պետք է տարբերվի Հայաստանում գտնվող սրահներից: Դեռևս չեմ շտապում այդ հարցում, քանի որ աշխատում եմ շատ լավ գեղեցկության սրահում,  որտեղ բոլորն ինձ համար շատ հարազատ ու սիրելի մարդիկ են: Ի դեպ, նշեմ, որ աշխատում եմ HER STYLE սրահում, որը գտնվում է YEREVAN MALL-ում:

– Հայ աղջիկները սիրում են շատ շպարվել. ի՞նչ խորհուրդ կտաս , ի՞նչ անել տարբերվելու համար:

– Իրոք, մեր աղջիկներն առօրյա կյանքում սիրում են շատ շպարվել, որն ինձ համար և՛ անհասկանելի է , և՛ անընդունելի: Իհարկե, երբ ինչ-որ կարևոր առիթի ես պատրաստվում, պետք է շպարվես՝ տարբերվելու համար, բայց առօրյայում շատ շպարվելն ուղղակի անտեղի է: Ես, լինելով այս մասնագիտության մեջ, սիրում եմ բնական գեղեցկությունը և գնահատում եմ ավելի խնամված մաշկը:

– Ի՞նչ նոր ծրագրեր ու մտահաղացումներ ունես, որոնց մասին կցանկանայիր պատմել կամ կիսվել: 

-Այս տարի ունեմ շատ նպատակներ և մտահաղացումներ… Համագործակցություններ կլինեն պրոֆեսիոնալ լուսանկարիչների և մոդելների հետ: Արդեն սկսել եմ համագործակցություններն ու  շուտով Ձեզ կներկայացնեմ իմ նոր աշխատանքները: Խոստանում եմ այս տարի լինել ավելի ակտիվ և արդարացնել բոլորի սպասումները:

– վերջում , 2019-ը նոր է սկսվել և բոլորիս հետաքրքիր է դիմահարդարման այս տարվա տենդենցները, գույներն ու հիմնական ոճը։ Ի՞նչ խորհուրդ կտաս, ի՞նչպես շպարվել 2019-ին:

-Այս տարվա թրենդները բավականին տարբերվող են. նորաձև են վառ երանգները, ինչպես նաև glitter-ները: Շրթներկի կարմիր երանգները նույնպես շատ ակտուալ են 2019-ին: Իհարկե, պետք է հետևել նորաձևությանը, բայց, դրա հետ մեկտեղ, պետք է հասկանալ, որ նորաձև է այն, ինչ համապատասխանում է քո ոճին: Ամեն մարդ ինքն է իր համար ստեղծում կերպար: ՁԳՏԵՔ ՏԱՐԲԵՐՎԵԼ ԵՎ ԼԻՆԵԼ ՅՈՒՐԱՀԱՏՈՒԿ…

Մանեն HER STYLE սրահում մատուցում է հետևյալ ծառայությունները՝

Դիմահարդարում, կոսմետոլոգիա, տատուաժ, թարթիչների լիցք: Ինչպես նաև կարող եք գրանցվել դասընթացների համար: 

Հեռ./ 093308722

Հասցե / Արշակունյաց 34 (Yerevan mall), HER STYLE 

Instagram` https://www.instagram.com/beauty_by_aghajanyans/?hl=ru

 

Similar Articles

Most Popular

SILAS DESIGN STUDIO-Ի ՍՏԵՂԾՄԱՆ ԵՎ ՀԵՏԱԳԱ ԱՆԵԼԻՔՆԵՐԻ ՄԱՍԻՆ

Ինտերիերի դիզայնում, ինչպես ճարտարապետությունում, գոյություն ունեն շատ տարբեր ոճեր, որոնք ձևավորվել են տարբեր պատմական դարաշրջններում։  Ինտերիերի դիզայնը (ինտերիերային դիզայն) դիզայնի ճյուղ է, ուղղորդված տարածության...

DERMEN HOLDINGS-Ի ՂԵԿԱՎԱՐԸ ՀԱՆԴԻՊԵՑ ԻՆՏԵՐԻԵՐ ԴԻԶԱՅՆԵՐՆԵՐԻ ԵՎ ՈԼՈՐՏԻ ՆԵՐԿԱՅԱՑՈԻՑԻՉՆԵՐԻ ՀԵՏ

Երեկ, DERMEN HOLDINGS-Ի հիմնադիր Վահե Զեյնալյանն, ով արդեն տարիներ շարունակ է, ինչ լայն գործունեություն է ծավալում այս ոլորտում, հանդիպեց ճարտարապետների, ինտերիեր դիզայներների, ոլորտի ներկայացուցիչների...

ՀԱՆՐԱՊԵՏՈՒԹՅԱՆ 26 ՀԱՍՑԵՈՒՄ ՊԱՇՏՈՆԱՊԵՍ ԲԱՑՎԵՑ NEW LOOK BEAUT SALON-Ը 

Օրերս, Աբովյան քաղաքում՝ Հանրապետության 26  հասցեում պաշտոնապես բացվեց NEW LOOK BEAUTY  գեղեցկության սրահը: Չնայած սրահն արդեն մեկ տարի է, ինչ գործում է, բայց եվ...