EVENTS
VIDEO
OFFERS
TRAVELING
FASHION
FOOD
MAMA HOME
Միմի Գրիգորյանի հետաքրքիր ու յուրօրինակ ոճը գրավում է բոլորի ուշադրությունը: Նա մասնագիտությամբ տնտեսագետ է, իսկ ավելի կոնկրետ՝ մակրոտնտեսագետ: Ինչպես ինքն է ասում, փորձել է աշխատել հենց իր մասնագիտությամբ, բայց հասկացել է, որ արվեստն իրեն ավելի հոգեհարազատ է.
«Հիմա ավելի մոտ եմ արվեստին՝ հատկապես նորաձևությանը: Աշխատում եմ հայտնի նորաձևության տներից մեկում: Ինչ խոսք, նորաձևությունն ինձ համար, իրոք, կարևոր է. հետևում եմ արտասահմանյան դիզայներներին, բայց, շատ անգամ, ինձ համար looker ընտրելիս չեմ առաջնորդվում նորաձևությամբ և չեմ մտածում նորաձև լինել: Հագնում եմ ինչ-որ ինձ հոգեհարազատ է, հարմար ու համապատասխան իմ ոճին: Հստակ գիտեմ ոճս և փորձում եմ դրան մնալ հավատարիմ»:
Միմին ասաց, որ չի թերագնահատում հագուստի և նորաձևության ուժը, բայց, միևնույնն է, իր համար այն պաշտամունք չի դարձնում:
«Առօրյայում նախընտրում եմ sport chic և casual ոճերը, իսկ երբեմն էլ դասականը՝ կախված, թե ուր եմ պատրաստվում գնալ կամ ինչ հանդիպում ունեմ: Բոլոր դեպքերում, հագուստի մեջ գնահատում եմ մինիմալ գույները, պարզը, հասարակը. չեմ սիրում վառ գույներ, ավելորդ ձևածքներ և կցոններ»:
Վերջում, նորաոճ աղջիկը մեր հայուհիներին խորհուրդ է տալիս լինել ոճային, համարձակ և ունենալ ոճի զգացողություն:
Իսկ ես առաջարկում եմ դիտել Միմիի լուսանկարները և գնահատել նրա տարբերվող ոճը:
