+37496288287

ՁԵՐ ԱՌԱՎԵԼՈՒԹՅՈՒՆԸ ՁԵՐ ՍՏԱՑԱԾ ԿՐԹՈՒԹՅՈՒՆՆ Է. ԱՐԱՄ ՆԻԿՈԼՅԱՆ /ART FEST2017/

Երեկ, ԵԹԿՊ-ում տեղի ունեցավ Արտ Ֆեստ 2017 նորաձևության վարպետաց դասը` դիզայներներ Արամ Նիկոլյանի և Լիլիթ Մելիքյանի մասնակցությամբ: Դիզայներները մի շարք խորհուրդներ տվեցին տարբեր բուհերում սովորող ուսանողների, ովքեր երկխոսության շնորհիվ  ստացան  իրենց հուզող մի շարք հարցերի պատասխաններ:

IMG_8118

Տերյան մշակութային կենտրոնի տնօրեն  Լիլիթ Մելիքյանը ողջունեց մասնակիցներին և նշեց, որ արդեն երկրորդ տարին է, ինչ մասնակցում է այս փառատոնին.

«Ուրախ եմ, որ այս փառատոնի շնորհիվ նորաձևությամբ հետաքրքրվողները շատանում են և, ինչու ոչ, Արտ Ֆեստ-ի շրջանակներում տեղի ունեցող այս վարպետաց դասերի օգնությամբ սկսնակ դիզայներները կարող են ձեռք բերել   մեծ փորձ: Պետք է նշեմ, որ այս տարի սահմանված է 2 գլխավոր մրցանակ. լավագույն կանացի հավաքածու և լավագույն տղամարդու հավաքածու: Ինքս պատրաստ եմ մշտապես օգնել ու աջակցել ձեզ, որպեսզի այս ասպարեզում դուք հասնեք հաջողությունների»:

IMG_8105

IMG_7977

Իր հերթին, դիզայներ Արամ Նիկոլյանը ողջունեց բոլորին և իր ուրախությունը հայտնեց, որ երիտասարդները հետաքրքրված են այս ասպարեզով:

«Ցանկանում եմ նաև շնորհակալություն հայտնել Արտ Ֆեստ-ի ղեկավար Էրիկ Բաղդասարյանին, ով այս փառատոնի շնորհիվ հնարավորություն է տալիս զարգացնել մի շարք ճյուղեր: Եթե խոսենք նորաձևությունից, ապա պետք է ասեմ, որ ձեզ մեծ հնարավորություն է տրվում, որ ցուցադրեք ձեր աշխատանքները, քանի որ մեր օրերում այսպիսի հնարավորություններ շատ քիչ են լինում: Այս ասպարեզում ես ամենից շատ գնահատում եմ կրթությունը և շատ ուրախ եմ, որ դուք ընտրել եք հենց այս ճանապարհը: Ցավոք, պետք է նշեմ, որ այսօր կրթությանն այդքան էլ մեծ տեղ չի տրվում. երիտասարդներն իրենց աշխատանքները փորձում են տարածել ֆեյսբուքով և համարվել դիզայներ: Սա պրոֆեսիոնալ մոտեցում չէ, քանի որ նորաձևությունն ունի առանձնահատկություններ, մի շարք գործառույթներ, որոնց իրականացման համար հարկավոր է միայն կրթվել ու կրթվել»:

IMG_7991

Վերջում, Արտ Ֆեստ-ի ղեկավար էրիկ Բաղդասարյանը հավելեց, որ  Հունիսի 16-ին՝ ժամը 18:00-ին, «Մեգերյան կարպետ» սրահում (Մադոյան 9) կանցկացվի նորաձևության ցուցադրություն: Կցուցադրվեն փառատոնի մասնակիցների ներկայացրած հավաքածուներն ու զգեստները, իսկ լավագույններին կորոշի ժյուրին:

IMG_8127

IMG_8106

Similar Articles

Most Popular

SILAS DESIGN STUDIO-Ի ՍՏԵՂԾՄԱՆ ԵՎ ՀԵՏԱԳԱ ԱՆԵԼԻՔՆԵՐԻ ՄԱՍԻՆ

Ինտերիերի դիզայնում, ինչպես ճարտարապետությունում, գոյություն ունեն շատ տարբեր ոճեր, որոնք ձևավորվել են տարբեր պատմական դարաշրջններում։  Ինտերիերի դիզայնը (ինտերիերային դիզայն) դիզայնի ճյուղ է, ուղղորդված տարածության...

DERMEN HOLDINGS-Ի ՂԵԿԱՎԱՐԸ ՀԱՆԴԻՊԵՑ ԻՆՏԵՐԻԵՐ ԴԻԶԱՅՆԵՐՆԵՐԻ ԵՎ ՈԼՈՐՏԻ ՆԵՐԿԱՅԱՑՈԻՑԻՉՆԵՐԻ ՀԵՏ

Երեկ, DERMEN HOLDINGS-Ի հիմնադիր Վահե Զեյնալյանն, ով արդեն տարիներ շարունակ է, ինչ լայն գործունեություն է ծավալում այս ոլորտում, հանդիպեց ճարտարապետների, ինտերիեր դիզայներների, ոլորտի ներկայացուցիչների...

ՀԱՆՐԱՊԵՏՈՒԹՅԱՆ 26 ՀԱՍՑԵՈՒՄ ՊԱՇՏՈՆԱՊԵՍ ԲԱՑՎԵՑ NEW LOOK BEAUT SALON-Ը 

Օրերս, Աբովյան քաղաքում՝ Հանրապետության 26  հասցեում պաշտոնապես բացվեց NEW LOOK BEAUTY  գեղեցկության սրահը: Չնայած սրահն արդեն մեկ տարի է, ինչ գործում է, բայց եվ...