EVENTS
VIDEO
OFFERS
TRAVELING
FASHION
FOOD
MAMA HOME
Հանրային ռադիոյի արխիվը հայկական ձայնային ամենամեծ պահոցն է: Այստեղ են պահպանվում մոտ 100.000 ձայնագրություն՝ երգեր, ելույթներ, հաղորդումներ, համերգներ և այլն: 2017 թվականից սկսվեց ձայնադարանի թվայնացումը , որի ընթացքում կիրառվեցին ժամանակակից տեխնոլոգիաներ՝ ֆոնդի մշակման, ձայնագրությունների որակի բարձրացման , երկարատև պահպանման, օգտագործման և հանրայնացման նպատակով:
Այսօր Հանրային ռադիոտանը պաշտոնապես ներկայացվեց armradioarchive.am կայքը, որտեղ ներկայացվում են 1934 թվականից սկսած բոլոր ձայնագրությունները: Նրանք կայքում տեղ են գտել ըստ ժանրերի՝ դասական, ժողովրդական , էստրադային, եզակի ելույթներ, մեծերի խոսքեր և այլն: Կայքը օգտատերերին ներկայացվում է 3 լեզվով:
Դե ինչ, շնորհավորում եմ բոլորիս, քանի որ սա հսկայական աշխատանք է, որի պտուղները վայելելու ենք բոլորս: Ինձ համար Հանրային ռադիոն վայր է, որտեղ ես ուսանել եմ, պրակտիկա անցել ու վայելել մեր մեծերի խորհուրդները, որոնց օգնությամբ էլ այսօր առաջ եմ գնում: Այցելեք armradioarchive.am և վայելեք բոլոր այն ձայնագրությունները, որոնք տեղ են գտել կայքում: