ԻՏԱԼԻԱ… ԲՈԼՈՐ ԳՈՒՐՄԱՆՆԵՐԻՆ ՀՐԱՎԻՐՈՒՄ ԵՆՔ ԻՏԱԼԻԱ

Ողջույն   բոլորին։  Չէի  էլ  կարող  պատկերացնել,  որ  հաջորդ  շրջայցս  կլինի  այսքան  բարեճաշակ, ինչպես  Իտալիայի   խոհանոցն  է։  Իտալիայի  մայրաքաղաք  Հռոմում  է  գտնվում  երկրի  լավագույն  ռեստորաններն  ու  սրճարանները։ Բոլոր  գուրմաններին  հրավիրում  ենք  Իտալիա,  քանի  որ  այստեղ  ամեն  ինչ  համով  –  հոտով  է։ Իտալիայի  ազգային  խոհանոցը  ամբողջ  աշխարհում   հայտնի  է  պիցցայի  և  սպագետիի  շնորհիվ։  Պիցցաները  բազմատեսակ  են՝ բազմահամ, գույների  և  համերի  երանգավորված  համադրությամբ՝  տարբերվող  մեկը  մյուսից։

Իսկ  դուք  գիտեի՞ք, որ  այդ  շրջանաձև  տափակ  հացը,  որը  ծածկված  է  կարմիր ( տոմատ), սպիտակ (պանիր) և  կանաչ(ռեհան) ընդգծում  է  Իտալիայի  դրոշի  գույները։ 

Սպագետտի  –  այս  մակարոնը   համարվում  է  իտալական  կերակուրների  հիմքը։ Մատուցվում  է  տոմատի  մածուկով  և սոուսներով, որոնց  թիվը  հասնում  է  ավելի  քան  տասը  հազարի։  Մակարոնեղենի  հետ  մատուցվում  է  նաև  ծովամթերք,  աղացած  միս, բանջարեղեն  և  այլն։ Մակարոնից  պատրաստված   բոլոր ճաշատեսակները  մեկ  բառով  կոչվում  են  պաստա։

Աշխատանքային  շրջայց  եմ  կատարում  Հռոմի  համեղահամ  ռեստորաններից  մեկում։ Խճճվել  եմ  նախուտեստների,  ուտեստների, աղցանների  և  աղանդերի  ընտրության  մեջ։ Լավ․ այսօր  ճաշացանկից  կփորձեմ  Ռիզոտտո  (բրինձ,պանիր, ծովամթերք, բանջարեղեն), Պանչետա (խոզի  կրծքամիս  պանրով), աղցաններից   Կապրեզե ( լոլիկ, մոցարելլա, բազիլիկ, ձիթապտղի  ձեթ)  և   գրիսսինի ( հացի  ձողիկներ):

Խմիչքների՞ց  ինչ  համտեսել․Թունդ  ալկոհոլային  խմիչքներ (ամարետո, գրապպա ), թե՞  լիկյոր   Սամբուկա։

Չէ՜,  չէ՜  Իտալիայում  քանի  որ  գինին  ազգային  ըմպելիք  է, կարելի  է   նաև  կարմիր  չոր  գինի՝ Բարբարեսկո։

Օ՜  ինչ  նրբագեղ   համադրություն,  այնպես  չէ՞։  ՈՒզու՞մ  եք   զգալ,  դե  ուրեմն  միացեք  ինձ։  Բարեհամ   ճաշից   հետո   անցնում  ենք  քաղցրաճաշակ   աղանդերին։  Կճաշակեմ   Պաննա  կոտտա   և   Տիրամիսու։  Ահ՜,  քիչ  մնաց  մոռանայի   իմ   այդքան  սիրելի   Սաբայոն  ( խենթանում   եմ ),  իսկ   կոկտեյլներից՝  Բելլինի։  Ամենավերջում   դե,   իհարկե,  սուրճ ․ կապուչինո   թե՞  էսպրեսո։

Ամեն  ինչ   շատ  համեղ էր։ Արդեն   երեկո  է․ զբոսնում  եմ  երկրի  հրաշք  փողոցներով  և  ինչ՞…   SIVIERO   MARIA   անուշահամ   սառնանուշը։ Լինել  այստեղ  և  չզգալ  հանրահայտ   պաղպաղակի  զովությունը ․․․ իսկական  գայթակղություն  է ։ Հենց   այս   պահին  սելֆի,  հետևյալ   խորագրով՝  Ես   և   Իտալիան։

Վերադառնում  եմ  իմ  չաղ   հանգստից։  Այցելելով   Իտալիա, մտքումս  անջնջելի   տպավորություններ   արձանագրեցի   և   հիշարժան  դարձրի  տարեթիվը։ Նոթատետրումս   կլրացնեմ  ևս  մեկ   grand   tour:  Կհանդիպենք   մեկ  այլ  երկրում։

Շարունակելի…

Հեղինե Սահակյան