Ի՞ՆՉՊԵՍ ՀԵՏԵՎԵԼ էԹԻԿԱՅԻ ԿԱՆՈՆՆԵՐԻՆ

Երբեք հյուր մի գնացեք, առանց զգուշացնելու:

Պատկերարցրեք, թե ի՞նչ անհարմար կլիներ, եթե Ձեզ հյուր գային` առանց նախապես պայմանավորվելու: Գուցե դուք լոգանք եք ընդունել և դեռ խալաթով եք կամ ոչ պատշաճ վիճակում:

Այս առիթվ, մի բրիտանացի լեդի պատմում էր, որ երբ դռան զանգը հնչում է անսպասելի, նա արագ հագնում է իր կոշիկներն ու գլխարկը, վերցնում է անձրևանոցն ու պայուսակը, ապա` բացում դուռը:

Երբ հյուրը ցանկալի մարդ է, նրան ասում է, թե  ինչ լավ ստացվեց, քանի որ նոր է  տուն վերադարձել, իսկ եթե ոչ հաճելի մարդ է այցելողը` ապա նրան ասում է.

/Ներիր,  ստիպված եմ գնալ, քանի որ ինձ սպասում են/:

Երբեք անձրևանոցը մի չորացրեք բացված վիճակում, եթե հյուր եք կամ աշխատավայրում:

Անձրևանոցը չորացնելու լավագույն միջոցը որևէ կախիչից փակված վիճակում կախելն է, իսկ առավել հարմար է անձրևանոցի պատյանում պահելը, մինչև կհասնենք տուն:

Պայուսակը երբեք մի դրեք ծնկերի վրա:

Եթե դուք կրում եք փոքրիկ կլաչ, ապա կարելի է այն դնել սեղանին, մեծ պայուսակները կարելի է կախել աթոռի հենակին կամ դրեք հատակին: Իսկ պորտֆեյլը` անպայման դրեք հատակին:

Տղամարդիկ, երեբք մի բռնեք կնոջ պայուսակը: Կանացի պայուսակն ու վերարկուն վերցրեք այն կախիչին հասցնելու համար:

Ով պետքէ վճարի:

Երբ ասում եք,  հրավիրում եմ ձեզ ընթրիքի կամ սուրճի, դա նշակում է, որ դուք եք վճարելու` անկախ այն բանից թե ձեր հյուրը կին է, թե տղամարդ: Այլ հարց է, եթե ձեզ հետ ընթրող տղամարդն առաջարկի վճարել երկուսիդ փոխարեն: Այդ դեպքում, կարող եք համաձայնել, կարող եք մերժել` հավատարիմ մնալով ձեր պայմանավորվածությանը:

Նյութը պատրաստեց Վարդ Գիշյանը