+37496288287

ԵՐԵՎԱՆՈՒՄ ՀԱՄԵՐԳՈՎ ՀԱՆԴԵՍ ԿԳԱ ԱՆԳԵԼԻՆԱ ԿԱՊԼԱՆԸ

Երևանում մենահամերգով հանդես կգա հայտնի երգչուհի Անգելինա Կապլանը: Համերգը տեղի կունենա մարտի 9-ին օպերային թատրոնի տարածքում գտնվող «Շանսոն» ակումբում: Կապլանը յուրահատուկ սեր է տածում հայերի ու Հայաստանի նկատմամբ: Նա մեր երկրում հայտնի է բազում երգերով, որոնք նվիրված են հենց Հայաստանին: Դրանցից են, օրինակ, «Ереван», «Горы» և այլ ստեղծագործություններ: Սա երգչուհու երկրորդ երևանյան համերգն է: Հնչելու են հին ու սիրված, ինչպես նաև նոր գործեր: Երեկոյի ընթացքում հանդես կգա նաև Անգելինայի մտերիմ Լոլա Ծերեթելին, ով որպես հյուր մի քանի երգ կկատարի: Անգելինա Կապլանը ծնվել է Ուկրաինայում, մանուկ հասակից սեր էր տածում երգի ու երաժշտության հանդեպ: Սովորել է դաշնամուր նվագել:

1990-ականներին ընտանիքով տեղափոխվում են Իսրայել, որտեղ ապագա երգչուհու հայրը խումբ է հիմնադրում, իսկ Անգելինան խմբում սկսում է հանդես գալ որպես վոկալիստ: 1999-ին սկսում է հանդես գալ Իսրայելում շատ հայտնի «Շամպանյա» անսամբլի կազմում: Անգելինան սկսում է շրջագայել ու հանդես գալ աշխարհի տարբեր երկրներում: 2004 թվականին թողարկել է իր առաջին սոլո սկավառակը: Հավելենք, որ բացի այս համերգից փետրվարի 28-ին «Շանսոն» ակումբում տեղի կունենա սիրված երգիչ Արսեն Սաֆարյանը:

Ակումբը նպատակ է դրել ակտիվ գործունեություն ծավալել՝ հանրությանը ներկայացնելով ոչ միայն հայաստանյան, այլև արտերկրի ինքնատիպ արտիստներին: Ակումբի հիմնադիր երգչուհի Անչոկը փաստում է՝ շանսոնի նկատմամբ հետաքրքրություն կա, բայց ոչ երիտասարդների շրջանում և իրենք փորձելու են նաև երիտասարդներին էլ «վարակել» շանսոնի նկատմամբ սիրով:

Similar Articles

Most Popular

SILAS DESIGN STUDIO-Ի ՍՏԵՂԾՄԱՆ ԵՎ ՀԵՏԱԳԱ ԱՆԵԼԻՔՆԵՐԻ ՄԱՍԻՆ

Ինտերիերի դիզայնում, ինչպես ճարտարապետությունում, գոյություն ունեն շատ տարբեր ոճեր, որոնք ձևավորվել են տարբեր պատմական դարաշրջններում։  Ինտերիերի դիզայնը (ինտերիերային դիզայն) դիզայնի ճյուղ է, ուղղորդված տարածության...

DERMEN HOLDINGS-Ի ՂԵԿԱՎԱՐԸ ՀԱՆԴԻՊԵՑ ԻՆՏԵՐԻԵՐ ԴԻԶԱՅՆԵՐՆԵՐԻ ԵՎ ՈԼՈՐՏԻ ՆԵՐԿԱՅԱՑՈԻՑԻՉՆԵՐԻ ՀԵՏ

Երեկ, DERMEN HOLDINGS-Ի հիմնադիր Վահե Զեյնալյանն, ով արդեն տարիներ շարունակ է, ինչ լայն գործունեություն է ծավալում այս ոլորտում, հանդիպեց ճարտարապետների, ինտերիեր դիզայներների, ոլորտի ներկայացուցիչների...

ՀԱՆՐԱՊԵՏՈՒԹՅԱՆ 26 ՀԱՍՑԵՈՒՄ ՊԱՇՏՈՆԱՊԵՍ ԲԱՑՎԵՑ NEW LOOK BEAUT SALON-Ը 

Օրերս, Աբովյան քաղաքում՝ Հանրապետության 26  հասցեում պաշտոնապես բացվեց NEW LOOK BEAUTY  գեղեցկության սրահը: Չնայած սրահն արդեն մեկ տարի է, ինչ գործում է, բայց եվ...