ԳՈՒՆԱՏԻՊ. ՑԱՆԿԱՑԱԾ ՄԱՐԴ ՈՒՆԻ ԻՐ ԳՈՒՆԱՏԻՊԸ

Համացանցում և նորաձևության ամսագրերում սովորաբար խորհուրդ են տալիս գտնել անհատական գունատիպ և հագնվել ձեր անհատական գունային երանգներում։ Բնությունը այդպես է դասավորել, որ ցանկացած մարդ ունի իր գունատիպը։ Այն միակն է ու իր նմանը չկա։ Եվ հենց դա էլ հնարավորություն է տալիս ընդգծել ձեր անհատականությունը։ Առանձնացվում են բազում գունատիպեր տաք, սառը, կոնտրաստ, ոչ կոնտրաստ և այլն։ Սակայն, անհնար է միանգամից ուսումնասիրել այդ ամբողջը և, սովորաբար, որպես անհատական գունատիպ, ընդունում են 4 հիմնական տեսակներ՝ ձմեռ,գարուն,ամառ և աշուն ։

Ձմեռ․

Մաշկի գույն – բաց կամ թեթև արևայրուքով,

Վարսերի գույն — սևահեր,մոխրավուն,շիկահեր,

Աչքեր — շագանակագույն կամ սառը կապույտ։

Համապատասխանում են վառ և մաքուր գույները։

Գարուն․

Մաշկի գույն — բաց,թույլ վարդագույն,

Վարսերի գույն — բաց շագանակագույն,ոսկեգույն

Աչքեր — մոխրագույն,կանաչ,մոխրագույն-կապույտ։

Համապատասխանում են տաք և վառ գույները։

Ամառ․

Մաշկի գույն – թեթև վարդագույն,

Վարսերի գույն — բոլոր բաց գույները,շագանակագույնի բաց երանգներ,

Աչքեր — կապույտ,կանաչ։

Համապատասխանում են սառը և վառ գույները։

Աշուն․

Մաշկի գույն – բաց,տաք,հաճախ պեպենոտ,

Վարսերի գույն — ոսկեգույնի,կարմիրի երանգներ,

Աչքեր — շագանակագույն,կապույտ,կանաչ։

Համապատասխանում են տաք,պաստելային երանգները։

Knar Jouette