+37496288287

11 ՀԱՐՑ- DJ SMOKE

10314505_1029211717138452_5091109489491378943_n1. Գործողություն, որ պարտադիր անում եք առավոտյան արթնանալուց հետո:Առավոտյան արթնանալուց հետո անպայման մեկ գավաթ սուրճ եմ ըմպում, ստուգում եմ բոլոր mail-երս, իսկ հետո նախաճաշում եմ ու պարտադիր գնում մարզասրահ: ))

2. Ոտելիք, որը միշտ կարող է լինել ձեր սառնարանում:

Ինքս համեղ ուտել շատ եմ սիրում, բայց կան մթերքներ, որոնք չեն բացակայում իմ սառնարանից՝ թթվասեր, կաթնաշոռ, ձուկ և հավի միս:

3. Գույն, որը երբեք չի բացակայում ձեր պահարանից:

Շատ գույներ կան, որոնք նախընտրում եմ: Հիմնականում սիրում եմ վառ ու ցայտուն գույներ, սակայն կառանձնացնեմ այս 3 գույնը՝ կարմիր, սև , սպիտակ:

4. Երաժշտական կատարում, որից ձեր ականջները դեռ չեն հոգնել:

Այդպիսի գործեր շատ կան, որոնք երբեք չեն հնանում ինձ համար և երբեք չեմ հոգնի դրանցից: Richard

Bona – Kalabancoro,Martin Solveig – Jealousy,The Fugees – Fu-Gee-La (Maverick & Poldoore Remix): Այս երեք գործը երբեք ու երբեք չեն հոգնեցնի ինձ:

5. Գիրք, որը ձեր կյանքում ինչ-որ բան է փոխել:

Շատ գրքեր կան, որ սիրում եմ , բայց կա մի գիրք, որ կա ու միշտ կլինի ցանկացած քրիստոնիայի համար՝ գիրք գրքոց՝ Աստվածաշունչ:

6. Հեռուստատեսային ծրագիր, որը կստիպի ձեզ չփոխել հեռուստաալիքը:

Հաճույքով եմ դիտում ArmNews ՀԸ ՝ Առաջին ծրագիրը, Արմենիա ՀԸ՝ Բարի լուս, NatGeoWild ՀԸ մի շարք հաղորդումներ և ցանկացած որակով և ճաշակով համերգային ծրագիր:

7. Առարկա կամ գործողություն, որը կարող է նյարդայնացնել ձեզ:

Նյարդայնանում եմ, երբ ուշանում եմ ինչ -որ տեղից կամ ինչ -որ բանից: Այդ ժամանակ հիստերիա է սկսում մոտս:

8. Ինչ-որ բան, որը դուր չի գալիս ձեզ ձեր մասնագիտության մեջ:

Եթե սիրում ես քո մասնագիտությունը, եթե այն դառնում է քո ապրելաոճը, քո տեսակը, քո աշխարհը, քո էությունն, ապա չսիրել ինչ որ բան չկա: Սիրում եմ ամեն ամեն ինչ` թե վատ, թե լավ երեւույթները:

9. Խենթ արարք, որ երբևէ արել եք ձեր սիրուն հասնելու համար:

Խենթ արարքներ, որպես էդպիսին, շատ են եղել, բայց կառանձնացնեմ գիշերով սիրելիիս քնից արթնացնելն

ու բղավելը, որ սիրում եմ նրան:

10. Ի՞նչից եք վախենում

Վախենում եմ շատ լուռ ու երկերեսանի մարդկանից:

11. Եթե համացանցն ընդմիշտ անհետանա ձեր առօրյայից:

Եթե համացանցը չլիներ, ամեն բան այնքան լավ կլիներ, մարդկանց մեծամասնությունն աշխատանք կունենար, ավելի հաճախ իրական կյանքում կշփվեին միմյանց հետ, այսինքն ամեն-ամեն ինչ այլ կլիներ, բայց, ցավոք, հիմա այնպես ենք կախված համացանցից, որ նրա չլինելն ուղղակի երազանք է: Վերջում կցանկանամ ավելացնել` բարի եղեք, անկեղծ, սիրեք իրար ու ազատվեք կեղծ կոմպլեքսներից և, իհարկե, լսեք լավ երաժշտություն: Սիրում եմ ձեզ շա՜աաաատ:

Similar Articles

Most Popular

Էրիկ Գասպարյանի «Ժամանակի մեջ» ցուցահանդեսը

«Փյունիկ» զարգացման կենտրոնում (Բուզանդի 3) հոկտեմբերի 17-22-ը նկարիչ Էրիկ Գասպարյանի «Inside The Time» խորագրով ցուցահանդեսն է: Մարդու պայքարը ժամանակի հետ ու ժամանակի մեջ: Հեղինակը ներկայացրել...

ՏԵՂԻ ՈՒՆԵՑԱՎ «Мозгобойня» ԽԱՂԻ ՓԱԿ ՇՆՈՐՀԱՆԴԵՍԸ

Օրերս Best Western Plus Congress Hotel-ում կայացավ «Мозгобойня» ինտելեկտուալ խաղի շնորհանդեսը, որի պաշտոնական ներկայացուցիչը Հայաստանում Աննա Մարությանն է: Ի՞նչ է «Мозгобойня»-ն։ Այն հաճելի, զվարճալի...

DESIGN AVENUE-Ի ՊԱՇՏՈՆԱԿԱՆ ԲԱՑՈՒՄԸ՝ ՀԻՆ ԵՐԵՎԱՆՑԻՆԵՐ 2/2 ՀԱՍՑԵՈՒՄ

Օրերս, Հին Երևանցիներ 2/2 հասցեում պաշտոնապես իր դռները բացեց DESIGN AVENUE խանութ-սրահը: Դասական կահույքից մինչև մոդեռն ու արտ-դեկոր, գրասենյակային կահույքից մինչև լուսավորություն, պաստառներ ու սանտեխնիկա....