+37496288287

11 ՀԱՐՑ – ԱՐՏԱՎԱԶԴ ԱՄԻՐՅԱՆ

11 ՀԱՐՑԻՆ ՊԱՏԱՍԽԱՆԵԼ Է ՀԱՂՈՐԴԱՎԱՐ ԱՐՏԱՎԱԶԴ ԱՄԻՐՅԱՆԸ

12096575_774447742681538_9120977125248282024_n

 1. Գործողություն, որ պարտադիր անում եք առավոտյան արթնանալուց հետո:

1. Առավոտյան անմիջապես արթնանալուց հետո շտապում եմ պատրաստել առավոտյան սուրճս, հետո արդեն լոգանք ու որից հետո էլ նախապատրաստվում եմ առավոտյան եթերին: Նորությունների փնտրտուք, օրվա ծրագրի կազմում և այլն:

2. Ոտելիք, որը միշտ կարող է լինել ձեր սառնարանում:

Շատ ուտելիքներ կան, որ պարտադիր պետք է լինի սառնարանում, բայց կարծում եմ առաջնահերթ մրգի տեսականին, մեղրը և ձուն:

3. Գույն, որը երբեք չի բացակայում ձեր պահարանից:

Իմ հագուստները շատ տարբեր են ու բազմերանգ՝ կախված օրվա տրամադրությունից և հանդիպումներից: Բայց առավել շատ գերակշռում է սևն ու սպիտակը:

4. Երաժշտական կատարում, որից ձեր ականջները դեռ չեն հոգնել:

Տիգրան Մանսուրյան, Առնո Բաբաջանյան, Կոնստանտին Օրբելյան, Ռոբերտ Ամիրխանյան, Ռուբեն Հախվերդյան, Ռուբեն Մաթևոսյան… Նրանց ցանկացած ստեղծագործություն:

5. Գիրք, որը ձեր կյանքում ինչ-որ բան է փոխել:

Խենթ,Վան Գոգի կյանքը, և ,առհասարակ , մարդկային կյանքին առնչվող ցանկացած գիրք:

6. Հեռուստատեսային ծրագիր, որը կստիպի ձեզ չփոխել հեռուստաալիքը:

Շատ սիրում եմ ամերիկյան Էլլեն Շոուն, բավական հետաքրքիր նախագիծ է, Ռուսական հեռուստանախագծերից՝ Comedy Club և Вечерний Ургант:

7. Առարկա կամ գործողություն, որը կարող է նյարդայնացնել ձեզ:

Ինձ շատ նյարդայնացնում է դիմացինիս կողմից բջջային հեռախոսի հետ կապվածությունը և անընդմեջ հեռախոսի մեջ գտնվելը:

8. Ինչ-որ բան, որը դուր չի գալիս ձեզ ձեր մասնագիտության մեջ:

Իմ մասնագիտության մեջ ինձ ամեն բան դուր է գալիս: Չկա էդպիսի մի բան, որ դուր չգա: Կարծում եմ յուրաքանչյուր մարդ իր մասնագիտության մեջ պետք է ստեղծի իր համար սիրելի միջավայրը:

9. Խենթ արարք, որ երբևէ արել եք ձեր սիրուն հասնելու համար:

Ես այդքան էլ խենթությունների սիրահար չեմ, նման հարցերում առավել ռեալիստ եմ ու վստահ իմ ուժերի վրա։ Երևի հենց դա է պատճառը, որ խենթությունների չեմ դիմել: Սիրուն հասնելու համար ամենամեծ խենթությունը Քեզ՝ ինչպես որ կաս, դրսևորելն է:

10. Ի՞նչից եք վախենում

 Վախենում եմ ժամանակից, արագ անցնող ու գնացող ժամանակից, որի ընթացքում պետք է հասցնես հնարավորինս բարի գործեր կատարել՝ արժանի անուն թողնելու համար:

11. Եթե համացանցն ընդմիշտ անհետանա ձեր առօրյայից:

Եթե համացանցն ընդմիշտ հեռանա առհասարակ մեր կյանքից բավական դժվար կլինի: Մեր օրերում համացանցը, ոչ միայն շփման տարբերակ է, այլև աշխատելու միջոց և հանրությանն առավել մատչելի կերպով քո կատարած աշխատանքը մատուցելու միջոց, որով էլ շատ շատերը ապրուստ են հայթհայթում: Բայց կարծում եմ մի որոշ ժամանակով համացանցի բացակայությունը մեր կյանքից կստիպի մեզ լինել առավել էմոցիոնալ, առավել անկեղծ ու առավել հասանելի մեր հարազատների համար։

Similar Articles

Most Popular

ՏԵՂԻ ՈՒՆԵՑԱՎ «Мозгобойня» ԽԱՂԻ ՓԱԿ ՇՆՈՐՀԱՆԴԵՍԸ

Օրերս Best Western Plus Congress Hotel-ում կայացավ «Мозгобойня» ինտելեկտուալ խաղի շնորհանդեսը, որի պաշտոնական ներկայացուցիչը Հայաստանում Աննա Մարությանն է: Ի՞նչ է «Мозгобойня»-ն։ Այն հաճելի, զվարճալի...

DESIGN AVENUE-Ի ՊԱՇՏՈՆԱԿԱՆ ԲԱՑՈՒՄԸ՝ ՀԻՆ ԵՐԵՎԱՆՑԻՆԵՐ 2/2 ՀԱՍՑԵՈՒՄ

Օրերս, Հին Երևանցիներ 2/2 հասցեում պաշտոնապես իր դռները բացեց DESIGN AVENUE խանութ-սրահը: Դասական կահույքից մինչև մոդեռն ու արտ-դեկոր, գրասենյակային կահույքից մինչև լուսավորություն, պաստառներ ու սանտեխնիկա....

ECCO SHOES ԽԱՆՈՒԹ-ՍՐԱՀԻ ՊԱՇՏՈՆԱԿԱՆ ԲԱՑՈՒՄԸ՝ ՀՅՈՒՍԻՍԱՅԻՆ ՊՈՂՈՏԱ 6/16 ՀԱՍՑԵՈՒՄ

Օրերս, Հյուսիսային պողոտա 6/ 16 հասցեում պաշտոնապես իր դռները բացեց հայտնի ECCO shoes Խանութ-սրահը: ECCO-ն դանիական կոշիկի բրենդ է, որը հիմնադրվել է 1963 թվականին: Բրենդը...